ஒபாமாவுக்கு வேலை கொடுக்க தாம் தயார் – அமெரிக்க இசை நிறுவனம் !
Thursday, January 12th, 2017பதவியிலிருந்து விடைபெற்றுச் செல்லும் ‘ஒபாமாவுக்கு வேலை கொடுக்க தமது நிறுவனம் தயார்’ என அமெரிக்க இசை நிறுவனமான ‘ஸ்பாடிபை’ (Spotify) அறிவித்துள்ளது.
அமெரிக்க அதிபராக பதவி வகிக்கும் ஒபாமா வருகிற 20ம் திகதி ஓய்வு பெறுகிறார். அவருக்கு பிறகு டொனால்டு டிரம்ப் புதிய அதிபராக பதவி ஏற்கிறார்.
இந்நிலையில் பதவி விலகும் அதிபர் ஒபாமாவுக்கு வேலை கொடுக்க அமெரிக்காவின் ‘ஸ்பாடிபை’ என்ற இசை நிறுவனம் தயாராக உள்ளது.
‘அதிபருக்கு வேலை வாய்ப்பு’ என்ற தலைப்பில் ஒரு விளம்பரம் வெளியிட்டுள்ளது. அதில், இந்த வேலைக்கு ‘நாட்டின் மிக உயரிய பணியில் இருந்த 8 ஆண்டு அனுபவம் தேவை’ என குறிப்பிடப்பட்டுள்ளது.
மேலும் அதில் அவர் உலக அமைதிக்கான நோபல் பரிசு பெற்று இருக்க வேண்டும் எனவும் தெரிவிக்கப்பட்டுள்ளது. சமீபத்தில் நிகழ்ச்சி ஒன்றில் பேசிய ஒபாமா, தான் வெள்ளை மாளிகையின் அதிபர் பதவியில் இருந்து ஓய்வு பெற்ற பிறகு ‘ஸ்பாடிபை’ நிறுவனம் தனக்கு வேலை வாய்ப்பு வழங்கும் என எதிர்பார்ப்பதாக நகைச் சுவையுடன் கூறியதும் இங்கு குறிப்பிடத்தக்கது.
Related posts:
வெள்ளை மாளிகை அருகே விபத்து !
ஈரான் நாடாளுமன்றத்துக்குள் துப்பாக்கிச் சூடு - இருவர் பலி!
பொலிஸ்நிலையத்திற்குள் பெண் பொலிஸ் உத்தியோகத்தர் மீது கத்திக்குத்து தாக்குதல்!
|
|