4,000 ஓட்டங்களை கடந்த வீரர்!
Wednesday, December 20th, 2017
இலங்கை வீரர் தரங்கா ஒரு நாள் போட்டியில் இந்த ஆண்டில் ஆயிரம் ஓட்டங்களை (25 ஆட்டத்தில் 1,011 ஓட்டங்கள்) கடந்த 3-வது வீரர் என்ற சிறப்பை பெற்றார். ஏற்கனவே இந்தியாவின் விராட் கோலி (1,460 ஓட்டங்கள்), ரோகித் சர்மா (1,293 ஓட்டங்கள்) ஆயிரம் ஓட்டங்களை கடந்திருக்கிறார்கள்.
இந்திய தொடக்க ஆட்டக்காரர் ஷிகர் தவான் 62 ஓட்டங்கள் எடுத்த போது ஒரு நாள் போட்டியில் 4 ஆயிரம் ஓட்டங்களை (95-வது இன்னிங்ஸ்) கடந்தார். இந்த மைல்கல்லை அதிவேகமாக எட்டிய 6-வது வீரர் தவான் ஆவார். இந்திய அளவில் விராட் கோலிக்கு (93 இன்னிங்ஸ்) பிறகு இந்த இலக்கை வேகமாக அடைந்திருக்கிறார்.
2017-ம் ஆண்டில் இந்திய அணியின் ஒரு நாள் போட்டி பயணம் நேற்றோடு நிறைவடைந்தது. இந்திய அணி இந்த ஆண்டில் 29 ஆட்டங்களில் பங்கேற்று 21-ல் வெற்றியும், 7-ல் தோல்வியும் கண்டுள்ளது. ஒரு ஆட்டத்தில் முடிவில்லை. இந்த ஆண்டில் அதிக வெற்றிகளை ருசித்த அணி இந்தியா தான். அதே சமயம் இலங்கை அணி 29 ஆட்டங்களில் விளையாடி 5-ல் மட்டுமே வெற்றி பெற்றிருக்கிறது.
விசாகப்பட்டினத்தில் 7-வது ஆட்டத்தில் ஆடிய இந்தியா அதில் பதிவு செய்த 6-வது வெற்றி இதுவாகும். இந்திய அணி தொடர்ச்சியாக கைப்பற்றிய 8-வது ஒரு நாள் தொடர் இதுவாகும். இரு நாடுகள் இடையிலான ஒரு நாள் தொடரை தொடர்ச்சியாக அதிக தடவை வென்ற அணி மேற்கிந்திய தீவுகள் (14) ஆகும். அடுத்த இடத்தில் அவுஸ்திரேலியாவும், இந்தியாவும் (தலா 8) உள்ளன.
Related posts:
|
|
|
