22 இலங்கை மாணவர்கள், இந்தியாவில் இந்தி படிப்பதற்காக இந்திய அரசாங்கத்தால் புலமைப்பரிசில் வாய்ப்பு!
Saturday, September 2nd, 2023
நாடு முழுவதிலுமிருந்து 22 இலங்கை மாணவர்கள், இந்தியாவில் இந்தி படிப்பதற்காக இந்திய அரசாங்கத்தால் முழு புலமைப்பரிசில்களை பெற்றுள்ளனர்.
உத்திர பிரதேசத்தின் ஆக்ராவில் உள்ள கேந்திரிய ஹிந்தி சன்ஸ்தானில் (இந்தி மத்திய நிறுவனம்) ஒன்பது மாத டிப்ளமோ படிப்பை மாணவர்கள் மேற்கொள்வார்கள்.
இந்த புலமைப்பரிசில் திட்டத்தில் இலங்கை உட்பட 26 நாடுகளைச் சேர்ந்த மாணவர்கள் அங்கம் வகிக்கின்றனர்.
ஒகஸ்ட் 29 அன்று, இந்திய உயர் ஸ்தானிகர் கோபால் பாக்லே, மாணவர்கள் இந்தியாவிற்குப் புறப்படுவதற்கு முன் அவர்களுடன் உரையாடி, இந்தியாவிற்கும் இலங்கைக்கும் இடையிலான ஆயிரக்கணக்கான ஆண்டுகள் பழமையான கலாசார, மொழி, இலக்கிய மற்றும் மத உறவுகளை வலுப்படுத்துவதில் இந்தி மொழி மற்றும் இலக்கியத்தின் பங்கை எடுத்துரைத்தார். அவர்கள் இந்தியாவில் தங்குவதற்கு தனது வாழ்த்துகளைத் தெரிவித்தார்.
இலங்கையில் மிகவும் பிரபலமான வெளிநாட்டு மொழிகளில் ஒன்றான ஹிந்தி, இலங்கையின் புகழ்பெற்ற பாடசாலைகள் மற்றும் பல்கலைக்கழகங்கள் உட்பட கிட்டத்தட்ட 80 நிறுவனங்களில் கற்பிக்கப்படுகிறது.
இந்திய உயர்ஸ்தானிகராலயத்தின் கலாசாரப் பிரிவான சுவாமி விவேகானந்தா கலாசார நிலையம் 2011 ஆம் ஆண்டு முதல் இந்த உதவித்தொகையை ஒருங்கிணைத்து வருகிறது.
கடந்த 12 ஆண்டுகளில், இலங்கையைச் சேர்ந்த 160 மாணவர்களுக்கு “வெளிநாட்டில் இந்தி பரவல்” என்ற தலைப்பில் இந்த உதவித்தொகை வழங்கப்பட்டுள்ளது. இவ்வருடம் இலங்கையிலிருந்து அதிகளவான மாணவர்கள் தெரிவு செய்யப்பட்டுள்ளமை குறிப்பிடத்தக்கது
Related posts:
|
|
|
