மீண்டும் யாழில் ஆவாகுழு அட்டகாசம் – அச்சத்தில் மக்கள்!

Tuesday, July 9th, 2019

கொக்குவில் பிடாரி கோவிலடி பகுதியில் நேற்று நள்ளிரவு தொடா்ச்சியாக 3 வீடுகளுக்குள் புகுந்த ஆவா குழு ரவுடிகள் வீடுகளை அடித்து நொருக்கியுள்ளனர்.

அத்துடன், வீட்டிலிருந்தவா்கள் மீது தாக்குதல் நடாத்திவிட்டு தப்பிச்சென்றுள்ளனர்.

குறித்த சம்பவம் கொக்குவில் பிடாரி அம்மன் கோவிலுக்கு அண்மையாக உள்ள மூன்று வீடுகளில் நேற்று நள்ளிரவு 12 மணியளவில் இடம்பெற்றது.

3 மோட்டார் சைக்கிள்களில் வாள்களுடன் வந்த 6 பேர் கொண்ட கும்பலே இந்தத் தாக்குதல்களை நடத்தியுள்ளதாக பொலிஸாருக்கு அறிவிக்கப்பட்டுள்ளது.

இந்நிலையில் குறித்த வன்முறைக் கும்பல், வீடுகளின் படலை, யன்னல்கள் உள்பட பெறுமதியான தளபாடங்களை அடித்துச் சேதப்படுத்தியுள்ளது.

மேலும் இந்த சம்பவம் தொடர்பில் யாழ்ப்பாணம் பொலிஸார் விசாரணைகளை முன்னெடுத்துள்ளனர்.

நாளை நமதே!.. எந்நாளும் நமதே!!..