தரமற்ற மற்றும் மலிவாக இறக்குமதி செய்யப்படும் பாடசாலை எழுதுபொருட்கள் மற்றும் பிளாஸ்டிக் உணவு பெட்டிகள் கடுமையான சுகாதார அபாயங்களை ஏற்படுத்தும் -வைத்தியர் மஹிந்த விக்கிரமாராச்சி எச்சரிக்கை!
Monday, December 18th, 2023
பாடசாலை மாணவர்களால் பரவலாகப் பயன்படுத்தப்படும் தரமற்ற மற்றும் மலிவாக இறக்குமதி செய்யப்படும் பாடசாலை எழுதுபொருட்கள் மற்றும் பிளாஸ்டிக் உணவு பெட்டிகள் என்பன கடுமையான சுகாதார அபாயங்களை ஏற்படுத்துவதாக லேடி ரிட்ஜ்வே சிறுவர் வைத்தியசாலையின் (LRH) தரக் கட்டுப்பாட்டுப் பிரிவின் தலைவர் வைத்தியர் மஹிந்த விக்கிரமாராச்சி எச்சரித்துள்ளார்.
இது தொடர்பிலான முறைப்பர்டுகள் இருந்தபோதிலும், சமீபத்திய ஆய்வில், இந்த பொருட்களில் கனரக உலோகங்கள் உபயோகிக்கப்பட்டிருப்பதும் இது குழந்தைகளின் உயிருக்கு ஆபத்தை விளைவிக்கும் என்பதும் தெரியவந்துள்ளது.
இது தொடர்பில் கருத்து வெளியிட்ட வைத்தியர்,
பென்சில்கள், வண்ண பென்சில்கள், பிளாஸ்டிக் தண்ணீர் போத்தல்கள், உணவு பெட்டிகள் மற்றும் மதிய உணவுப் பெட்டிகள் போன்ற பொருட்கள் சர்வதேச தரத்தை மீறுவதாகவும் தெரிவிக்கப்படுகின்றது.
இதனால் பாதுகாப்புக் குறியீடுகளுக்கு இணங்க தயாரிப்புகளை ஆராயுமாறு பெற்றோர்கள் வலியுறுத்தப்படுகிறார்கள்.
இந்தப் பொருட்கள் அனைத்திற்கும் சுகாதாரத் தரநிலைகள் உள்ளன. குறிப்பாக குழந்தைகளுக்கான எழுதுபொருட்கள் மற்றும் பொம்மைகளுக்கு EN71-3 எனப்படும் சர்வதேச தரநிலை பொறிக்கப்பட்டிருக்க வேண்டும்.
இந்த எழுதுபொருட்கள் மற்றும் பொம்மைகள் எந்த கன உலோகங்களையும் சேர்க்காத வண்ணங்களால் வர்ணம் பூசப்பட வேண்டும், என்று அவர் குறிப்பிட்டார்.
சிறு குழந்தைகள் இந்த பொருட்களைப் பயன்படுத்தும் போது, அவர்கள் அவற்றை வாயில் வைக்கிறார்கள் அல்லது இறுதியில் கடிக்கிறார்கள். இது தவிர்க்க முடியாமல் அபாயகரமான இரசாயனங்கள் அல்லது கன உலோகங்கள் அவர்களின் உயிரியல் அமைப்புக்குள் நுழைகிறது என்று வைத்தியர் மேற்கோள் காட்டினார்.
மேலும், பிளாஸ்டிக் பொருட்கள் சர்வதேச அளவில் 01, 02, 03, 04 மற்றும் 05 இலிருந்து தரப்படுத்தப்பட்டுள்ளன.
தரநிலை 05 உணவு அல்லது தண்ணீர் கேரியர்களுக்கான ஒன்றாகும். மேலும், பெற்றோர்கள் தங்கள் குழந்தைகளுக்கான தண்ணீர் போத்தல்களை வாங்கும்போது இந்த எண்ணிக்கையை கொள்கலனின் கீழ் சரிபார்க்க வேண்டும்.
இதேநேரம் பிளாஸ்டிக் பொருட்களில் Bisphenol A (BPA) எனப்படும் மிகவும் ஆபத்தான இரசாயனம் உள்ளது, இது காலப்போக்கில் குழந்தைகளில் புற்றுநோய் செல்களை கூட ஏற்படுத்தக்கூடும்.
எனவே, தமது பிள்ளைகளின் அடுத்த பாடசாலைப் பருவத்திற்கு எழுதுபொருள் பொருட்களை கொள்வனவு செய்யும் போது, இந்த சுகாதார உண்மைகள் குறித்து பெற்றோர்கள் அக்கறையுடன் செயற்பட வேண்டும் என வைத்தியர் விக்கிரமாராச்சி மேலும் தெரிவித்துள்ளமை குறிப்பிடத்தக்கது
000
Related posts:
|
|
|
