ஒக்டோபர் 16 ஆம் திகதி சீனாவுக்கான உத்தியோக பூர்வ விஜயத்தை மேற்கொள்கின்றார் ஜனாதிபதி ரணில் விக்ரமசிங்க!
Thursday, October 5th, 2023
ஜனாதிபதி ரணில் விக்ரமசிங்க எதிர்வரும் ஒக்டோபர் 16ஆம் திகதி சீனா நோக்கி பயணிக்கவுள்ளார்.
சீன ஜனாதிபதி ஜி ஜின்பிங் உள்ளிட்ட பல தலைவர்களை இதன்போது சந்திக்க உள்ளார். பெல்ட் அண்ட் ரோட் முயற்சியின் 10ஆவது ஆண்டு உச்சி மாநாட்டில் கலந்து கொள்ளவுள்ள ஜனாதிபதி ரணில் விக்கிரமசிங்க, கடன் நிவாரணம் தொடர்பில் சீன ஜனாதிபதியை சந்தித்து கலந்துரையாடவுள்ளார்.
சீனாவிடமிருந்து கடன் நிவாரணத்தைப் பெறுவதில் இலங்கை சவால்களை எதிர்கொண்டுள்ளதாக சில தகவல்கள் தெரிவிக்கின்றன.
என்றாலும், இருதரப்புக் கடனை மறுசீரமைக்கும் பொறிமுறை குறித்து கலந்துரையாடல்கள் தொடர்வதாக ஜனாதிபதி அலுவலகத்தின் பேச்சாளர் உறுதிப்படுத்தியுள்ளார்.
இலங்கை ஏற்கனவே உள்நாட்டுக் கடனை மேம்படுத்தும் செயல்முறையை நிறைவு செய்துள்ளது மற்றும் கடந்த ஆண்டு அறிவிக்கப்பட்ட திவால் நிலையிலிருந்து வெளிவரத் தொடங்கப்பட்ட வேலைத்திட்டத்தின் ஒரு பகுதியாக வெளிநாட்டுக் கடனை மறுசீரமைப்பதை முடிக்க முயல்கிறது.
நான்கு ஆண்டு திட்டத்தின் கீழ் சுமார் 2.9 பில்லியன் அமெரிக்க டொலர்களை திறக்கும் விரிவாக்கப்பட்ட நிதி வசதி ஏற்பாட்டிற்கு கடந்த மார்ச் மாதம் அரசாங்கம் ஒப்புக்கொண்டது.
EFF திட்டத்தின் கீழ் இரண்டாவது தவணையைப் பெறுவதற்கான பணியாளர்கள் மட்ட ஒப்பந்தத்தில் கையெழுத்திடுவதற்கான கலந்துரையாடல்கள் நடைபெற்று வரும் நிலையில், இலங்கை ஏற்கனவே 330 மில்லியன் அமெரிக்க டொலர்களைப் பெற்றுள்ளது.
இலங்கையின் கடன் மறுசீரமைப்பு செயல்முறைக்கு ஆதரவாக ஜப்பான், இந்தியா மற்றும் பிரான்ஸ் ஆகிய நாடுகளின் பங்கேற்புடன் ஒரு கூட்டுக் குழுவும் அமைக்கப்பட்டுள்ள அதே வேளையில், இந்தியா மற்றும் பாரிஸ் கிளப்பில் இருந்து இலங்கை ஏற்கனவே கடன் உறுதிமொழிகளைப் பெற்றுள்ளது.
ஜனாதிபதி ரணில் விக்கிரமசிங்கவின் சீன விஜயத்தின் போது கடன் நிவாரணம் தொடர்பில் கணிசமான முன்னேற்றத்தை ஜனாதிபதி அலுவலகம் எதிர்பார்க்கிறது.
கடந்த 12 மாதங்களில் இரண்டு தடவைகள் அண்டை நாடான ஜப்பானுக்கு விஜயம் செய்திருந்த போதிலும், கடந்த வருடம் பதவியேற்ற பின்னர் ஜனாதிபதி விக்கிரமசிங்க சீனாவிற்கு மேற்கொண்ட முதலாவது விஜயம் இதுவாகும் என்பது குறிப்பிடத்தக்கது.
000
Related posts:
|
|
|
