யாழ்ப்பாண மாவட்டத்தில் 7 பிரதேச செயலர்களுக்கு விரைவில் இடமாற்றம்!
Monday, March 27th, 2017
யாழ்ப்பாணத்தில் உள்ள 7 பிரதேச செயலாளர்கள் இடமாற்றம் செய்யப்படவுள்ளனர். இவர்களின் இடமாற்ற விவரங்கள் பொதுச் சேவை ஆணைக்குழுவுக்கு அனுப்பி வைக்கப்பட்டுள்ளன என்றும் தெரிய வருகின்றது.
யாழ்ப்பாண மாவட்டத்தில் வருடாந்த இடமாற்றத்துக்குப் புறம்பாக இந்த இடமாற்றம் மேற்கொள்ளப்படவுள்ளதாக யாழ். மாவட்டச் செயலக தகவல்கள் தெரிவிக்கின்றன.
ஊர்காவற்றுறை, சங்கானை, வேலணை, தெல்லிப்பழை, கரவெட்டி, நல்லூர், பருதித்துறை பிரதேச செயலகங்களின் பிரதேச செயலாளர்களே இடமாற்றம் செய்யப்படவுள்ளனர். யாழ்ப்பாண மாவட்டச் செயலரினால் பரிந்துரைக்கப்பட்டு அனுப்பப்பட்ட இடமாற்றப் பட்டியல், பொதுநிர்வாக உள்நாட்டலுவல்கள் அமைச்சின் ஊடாக பொதுச் சேவைகள் ஆணைக்குழுவின் பரிசீலனைக்கு அனுப்பி வைக்கப்பட்டுள்ளது. இந்த இடமாற்றம் அடுத்த மாதம் மேற்கொள்ளப்படக் கூடும் என்று தெரிவிக்கப்படுகின்றது.
Related posts:
|
|
|
