வலி.வடக்கின் வாழ்வாதார அபிவிருத்தி தொடர்பில கூடுதல் அவதானம் செலுத்தப்படும் – டக்ளஸ் எம்.பி தெரிவிப்பு!

Friday, October 19th, 2018

மீள் குடியேற்ற பிரதேசமான வலிகாமம் வடக்கு பிரதேசத்தின் அபிவிருத்தியில் அதிக அக்கறை செலுத்தி அங்கு வாழும் மக்களது எதிர்காலத்தை உறுதி செய்வதற்கான முயற்சிகளை தாம் தொடர்ந்தும் முன்னெடுத்து வருவதாக ஈழமக்கள் ஜனநாயகக் கட்சியின் செயலாளர் நாயகம் டக்ளஸ் தேவானந்தா தெரிவித்துள்ளார்.

யாழ்ப்பாணத்தில் அமைந்துள்ள கட்சியின் தலைமை அலுவல கத்திற்கு வருகை தந்திருந்த வலி வடக்கு பிரதேசத்தின் பொது அமைப்புகளின் பிரதிநிதிகள் தமது பிரதேசத்தின் பிரச்சினைகள் மற்றும் தேவைப்பாடுகள் தொடர்பில் செயலாளர் நாயகம் டக்ளஸ் தேவானந்தா அவர்களுடன் கலந்துரையாடினர்.

இதன்போதே செயலாளர் நாயகம் டக்ளஸ் தேவானந்தா இவ்வாறு தெரிவித்துள்ளார்.

தொடர்ந்தும் அவர் உரையாற்றுபையில் –

கடும் யுத்தம் நடைபெற்ற காலத்திலும் சரி அதன்பின்னரான காலத்திலும் சரி நான் எமது மக்களுடன் இருந்து அவர்களது துன்ப துயரங்களை அறிந்து அவர்களுக்குத் தேவையான  உதவிகளை பெற்றுக்கொடுத்ததுடன் எமது மக்களுக்கு ஒரு ஆறுதலை வழங்கியிருந்தோம்.

அதன்பின்னர் கடந்த ஆட்சி காலத்தில் நான் அமைச்சராக இருந்த போது எமது மக்களின் 17 500 ஏக்கருக்கும் மேலான காணி நிலங்களை மீட்டு கொடுத்து அவர்களை மீளவும் அப்பிரதேசங்களில் வாழ்வதற்கு வழிசமைத்து கொடுத்திருந்தேன்.

ஆனாலும் தற்போது அவ்வாறான பெரும் பணிகளை மேற்கொள்வதற்கான அரசியல் பலம் எம்மிடம் காணப்படாத போதும் நாம் தென்னிலங்கை அரசுகளுடன் கொண்டுள்ள நல்லுறவு காரணமாக பல மக்கள் பணிகளை முன்னெடுத்து வருகின்றோம். அத்தகைய முயற்சிகளூடாக இன்று நீங்கள் கோரியுள்ள அடிப்படை தேவைகள் சுகாதார பிரச்சினைகள் உள்ளிட்ட தேவைப்பாடுகளை நிறைவு செய்த தர முயற்சிகளை மேற்கொள்ள தயாராக இருக்கின்றேன் என்றும் அவர் மேலும் தெரிவித்தார்.

IMG_20181019_111653 IMG_20181018_162630

Related posts:

வடக்கு - கிழக்கில்  விசேட தேவையுடைய நிலையில் வாழ்ந்துவரும் பயனாளிகளின் எண்ணிக்கை அதிகரிக்கப்பட வேண்ட...
வடக்கில் புகையிலை உற்பத்தி விடுபடுகிறது - மத்தியில் புகை யிலை உற்பத்தி எடுபடுகிறதா? - விவசாய அமைச்சர...
அமைச்சர் டக்ளஸ் தேவானந்தா முல்லை மாவட்டத்திற்கு விஜயம் : பல்வேறு நிகழ்வுகளிலும் பங்கேற்பு!

கையாலாகாதவர்களால் முடங்கிக் கிடக்கிறது யாழ் நகரத்தின் அபிவிருத்தி  - நாடாளுமன்றில் டக்ளஸ் எம்.பி. சு...
வழித்தடம் 773 இலக்க தட்டிவான் சேவையை தனியார் சிற்றூர்தி சேவையாக மேற்கொள்ள அனுமதி பெற்றுத் தாருங்கள் ...
மியன்மார் நாட்டின் 72 ஆவது சுதந்திர தின நிகழ்வுகளில் கடல்தொழில் மற்றும் நீரியல் வள மூலங்கள் அமைச்சர்...