பலம்வாய்ந்த எதிர்க்கட்சி!

Sunday, May 22nd, 2016

தமிழக சட்டசபை வரலாற்றிலேயே முதல் முறையாக அசுர பலத்துடன் அதாவது 89 எம்.எல்.ஏ.க்களுடன் எதிர்க்கட்சியாக தி.மு.க. அமருகிறது.

தமிழக சட்டசபை தேர்தலில் அ.தி.மு.க. 134 இடங்களில் வென்று ஆட்சியை தக்க வைத்துக் கொண்டது. தி.மு.க. 89, காங்கிரஸ் 8, இந்திய யூனியன் முஸ்லிம் லீக் 1 இடத்தில் வென்றுள்ளது. தமிழக சட்டசபை வரலாற்றில் இதுவரை இல்லாத வகையில் முதல் முறையாக பலமான எதிர்க்கட்சியாக 89 எம்.எல்.ஏ.க்களுடன் தி.மு.க அமருகிறது.

1952 ஆம் ஆண்டு காங்கிரஸ் கட்சி 162 இடங்களில் வென்று ஆளும் கட்சியாக அமர்ந்தது. அத்தேர்தலில் 62 இடங்களுடன் இந்திய கம்யூனிஸ்ட் எதிர்க்கட்சியாக அமர்ந்தது

1957 ஆம் ஆண்டு 151 இடங்களில் வென்றது காங்கிரஸ் கட்சி ஆட்சி அமைத்தது. தி.மு.க. 15 இடங்களுடன் எதிர்க்கட்சியாக அமர்ந்தது. 1962 இல் 139 தொகுதிகளை காங்கிரஸ் கைப்பற்ற, தி.மு.க. 50 இடங்களுடன் எதிர்க்கட்சியாக இருந்தது.

1967 இல் 137 இடங்களை தி.மு.க. வென்று முதல் முறையாக அரியாசனத்தில் அமர்ந்தது. அப்போது காங்கிரஸ் கட்சி 51 தொகுதிகளில் வென்ற காங்கிரஸ் எதிர்க்கட்சி வரிசையில் அமர்ந்தது. 1971 இல் தி.மு.க. 184 தொகுதிகளில் வெல்ல காங்கிரஸ் 15 இல் மட்டுமே வென்று பிரதான எதிர்க்கட்சியாக உட்கார்ந்தது.

1977 இல் 130 தொகுதிகளைக் கைப்பற்றி அ.தி.மு.க. முதல் முறையாக ஆட்சியில் அமர, தி.மு.க. 48 இடங்களில் வெற்றி பெற்று எதிர்க்கட்சியானது. 1980 இல் 129 தொகுதிகளில் அ.தி.மு.க. வெல்ல 37 இடங்களில் வென்ற தி.மு.க. எதிர்க்கட்சியானது. 1984 இல் அ.தி.மு.க. 132 இடங்களில் வென்ற போது காங்கிரஸ் கட்சி 61 இடங்களுடன் எதிர்க்கட்சியானது

1989 இல் தி.மு.க. 150 இடங்களில் வெல்ல 27 தொகுதிகளுடன் அ.தி.மு.க. முதல் முறையாக எதிர்க்கட்சி வரிசையில் அமர்ந்தது. 1991 இல் அ.தி.மு.க. 164 தொகுதிகளில் வென்றபோது காங்கிரஸ் கட்சி 60 இடங்களுடன் எதிர்க்கட்சியாக அமர்ந்தது.

1996 இல் 173 தொகுதிகளில் தி.மு.க. வெல்ல, தமிழ் மாநில காங்கிரஸ் கட்சி 39 தொகுதிகளுடன் எதிர்க்கட்சி வரிசையில் உட்கார்ந்தது. 2001இல் அ.தி.மு.க. 132 இல் வெல்ல, தி.மு.க. 31 இடங்களைப் பெற்றது. 2006 இல் தி.மு.க. 96இல் வெல்ல, அ.தி.மு.க. 61 இடங்களுடன் எதிர்க்கட்சியானது

2011 இல் அ.தி.மு.க. 150 இடங்களில் வென்ற நிலையில், தே.மு.தி.க. 29 எம்.எல்.ஏ.க்களுடன் எதிர்க்கட்சியாக அமர்ந்தது. தற்போதைய தேர்தலில் அ.தி.மு.க. 134 இடங்களில் வென்ற நிலையில், திமுக 89 எம்.எல்.ஏ.க்களுடன் எதிர்க்கட்சியாக அமர்ந்துள்ளது. தமிழக சட்டசபை வரலாற்றிலேயே மிக வலுவான எதிர்க்கட்சியாக தி.மு.க. தற்போது அமருகின்னமை குறிப்பிடத்தக்கது.

உரி பயங்கரவாத தாக்குதல்:பாகிஸ்தானில் இருந்து சில மணி நேரத்திற்கு முன்பு எல்லையை தாண்டிய பயங்கரவாதிகள...

பாகிஸ்தான் இராணுவ தளபதி ஷெரிப் நவம்பரில் ஒய்வு!

பிரான்சில் குண்டுவெடிப்பு!