பன்னாட்டு தொலை தொடர்பு நிறுவன அதிபர் மகள் கைது!

Saturday, December 8th, 2018

சீனாவை சேர்ந்த பிரபல பன்னாட்டு தொலை தொடர்பு நிறுவனமான ஹூவாய் நிறுவனத்தின் அதிபர் ரென் ஜெங்பெய்யின் மகள், மெங்வான்ஜவ் கனடாவில் கைது செய்யப்பட்டுள்ளார்.

அந்த நிறுவனத்தின் தலைமை நிதி அதிகாரியாக இருந்த இவர் கனடா நாட்டின் வாங்கூவர் நகரில் கடந்த முதலாம் திகதி கைது செய்யப்பட்டுள்ளார். இதுபற்றிய தகவலை தற்போதுதான் கனடாவின் நீதித்துறை அமைச்சகம் வெளியிட்டுள்ளது.

அவரை தங்கள் நாட்டுக்கு அனுப்பி வைக்குமாறு அமெரிக்கா கேட்டுக்கொண்டுள்ளது. எனவே அவர் அமெரிக்காவுக்கு நாடு கடத்தப்படுகிறார் என சர்வதேச செய்திகள் தெரிவிக்கின்றன.

அதே நேரத்தில் மெங்வான்ஜவ் எதற்காக கைது செய்யப்பட்டுள்ளார் என்பது பற்றிய கூடுதல் விவரங்கள் வெளியிடப்படவில்லை.

 

Related posts:

Tweet