தமிழகத்தின் 13வது முதல்வராக பழனிசாமி பதவியேற்பு!
Thursday, February 16th, 2017
தமிழகத்தின் 13வது முதல்வராக எடப்பாடி கே. பழனிசாமி இன்று பதவியேற்றார். அவருக்கு ஆளுநர் வித்யாசாகர் ராவ் பதவிப் பிரமாணமும் ரகசியக் காப்பு உறுதிமொழியும் செய்து வைத்தார்.
சென்னை ஆளுநர் மாளிகையில் நடைபெற்ற எளிய விழாவில், ஆளுநர் வித்யாசாகர் ராவ், முதல்வருக்கு பதவிப் பிரமாணம் செய்து வைத்தார். பதவியேற்ற முதல்வர் பழனிசாமிக்கு, ஆளுநர் பூங்கொத்து கொடுத்து வாழ்த்துத் தெரிவித்தார்.
பிறகு, தமிழக அமைச்சர்களுக்கு ஆளுநரை பதவிப் பிரமாணமும், ரகசியக் காப்பு உறுதி மொழியும் செய்து வைக்குமாறு, தமிழக தலைமைச் செயலர் கிரிஜா வைத்தியநாதன் அழைப்பு விடுத்தார்.
அப்போது திண்டுக்கல் சீனிவாசன், கே.ஏ. செங்கோட்டையன், கே. ராஜூ, தங்கமணி, எஸ்.பி. வேலுமணி, ஜெயக்குமார், சண்முகம், கே.பி. அன்பழகன் ஆகிய அமைச்சர்கள் கூட்டாக பதவிப் பிரமாணமும், ரகசியக் காப்பும் எடுத்துக் கொண்டனர்.
Related posts:
அட்லாண்டிக் வர்த்தக ஒப்பந்தத்தில் ஒல்லாந்து சந்தேகம்!
சுட்டு வீழ்த்தப்பட்டது விமானம்: இஸ்ரேல் மீது ரஷியா குற்றச்சாட்டு!
வடகொரியாவுக்கு விஜயம் செய்த, முதலாவது அமெரிக்க ஜனாதிபதிபதியாக டொனால்ட் ட்ரம்ப் !
|
|
|
