முதலாவது ஒருநாள் போட்டியின் பின்னர் ரசிகர்கள் ஆர்ப்பாட்டம் !
Monday, August 21st, 2017
இலங்கை மற்றும் இந்தியா அணிகளுக்கிடையிலான முதலாவது ஒருநாள் போட்டி நிறைவடைந்த பின்னர் , போட்டியை பார்வையிட வந்த ரசிகர்கள் சிலர் மைதானத்திற்கு வெளியில் வீதியில் எதிர்ப்பு ஆர்ப்பாட்டத்தில் ஈடுபட்டுள்ளதாக தெரிவிக்கப்படுகின்றது.
தம்புள்ளை சர்வதேச விளையாட்டுத்திடலில் இன்று இடம்பெற்ற இலங்கை மற்றும் சுற்றுலா இந்தியா அணிகளுக்கிடையிலான முதலாவது ஒருநாள் போட்டியில் இந்திய அணி 9 விக்கட்டுக்களால் வெற்றிப்பெற்றது.போட்டியின், நாயண சுழற்சியில் வெற்றிப் பெற்ற இந்திய அணித்தலைவர் விராட் கோஹ்லி முதலில் இலங்கை அணியை துடுப்பெடுத்தாட பணித்தார்.அதன்படி , முதலில் துடுப்பெடுத்தாடிய இலங்கை அணி 43.2 ஓவர்களில் அனைத்து விக்கட்டுக்களையும் இழந்து 216 ஓட்டங்களை பெற்றுக்கொண்டது.இலங்கை அணி சார்பில் , அதிகபட்ச ஓட்டங்களாக நிரோஷன் திக்வெல்ல 64 ஓட்டங்களை பெற்றுக்கொண்டார்.பந்து வீச்சில் , அக் ஷர் படேல் மூன்று விக்கட்டுக்களையும் , பும்ரா , சஹால் மற்றும் ஜாதவ் ஆகியோர் தலா இரண்டு விக்கட்டுக்கள் வீதம் பெற்றுக்கொண்டனர்.பதிலுக்கு 217 என்ற வெற்றி இலக்கை நோக்கி துடுப்பெடுத்தாடிய இந்திய அணி 28.5 ஓவர்களில் ஒரு விக்கட்டை மாத்திரம் இழந்து வெற்றி இலக்கை அடைந்தது.இந்நிலையில் , போட்டியில் இலங்கை அணி தோல்வியடைந்ததை தொடர்ந்து மைதானத்தை விட்டு வெளியேறிய ரசிகர்கள் சிலர் இவ்வாறு எதிர்ப்பில் ஈடுபட்டுள்ளனர்
Related posts:
|
|
|
