பாடசாலைகளை மீள திறப்பதற்கு முன்னர் மாணவர்கள் ஆசிரியர்களுக்கு கொரோனா தடுப்பூசி – கல்வியமைச்சு அறிவிப்பு!
Friday, June 4th, 2021
நாடு முழுவதும் பாடசாலைகளை மீள திறப்பதற்கு முன்னர் மாணவர்கள் மற்றும் ஆசிரியர்களுக்கு கொரோனா தடுப்பூசியை வழங்க கல்வியமைச்சு எதிர்பார்ப்பதாக தெரிவித்துள்ள கல்வி அமைச்சு பாடசாலை மாணவர்களுக்கு தடுப்பூசி போடுவது குறித்து ஏற்கனவே சுகாதார அதிகாரிகளுக்கு கோரிக்கை அனுப்பப்பட்டுள்ளதாகவும் தெரிவித்துள்ளது.
மாணவர்களுக்கு அங்கிகாரம் பெற்ற ஒரே தடுப்பூசி ஃபைசர்-பயோஎன்டெக் தடுப்பூசி மற்றும் தற்போது இது 12 வயதுக்கு மேற்பட்டவர்களுக்கும் உள்ளது. இது ஜூலை கிடைக்கும் என எதிர்பார்க்கப்படுகிறது. ஐரோப்பாவில் உள்ள பிரான்ஸ், ஜேர்மனி, போலாந்து, லிதுவேனியா, இத்தாலி, எஸ்டோனியா மற்றும் ஆஸ்திரியா போன்ற நாடுகள் இந்த மாதத்தில் 12 வயதுக்கு மேற்பட்ட குழந்தைகளுக்கு தடுப்பூசி போடுவதை உறுதிப்படுத்தியுள்ளன.
ஆசியா மற்றும் மத்திய கிழக்கில், இஸ்ரேல், டுபாய், மற்றும் ஐக்கிய அரபு எமிரேட்ஸ், மற்றும் சிங்கப்பூர், ஜப்பான், பிலிப்பைன்ஸ் மற்றும் ஹொங்கொங் ஆகியவை ஏற்கனவே தொடங்கியுள்ளன.
வட அமெரிக்காவில், அமெரிக்காவும் கனடாவும் மே மாதத்தில் 12 வயதுக்கு மேற்பட்ட குழந்தைகளுக்கு தடுப்பூசி போடத் தொடங்கின. இந்த நாடுகள் அனைத்தும் இந்த நோக்கத்திற்காக ஃபைசர்-பயோஎன்டெக்கின் கொவிட் -19 தடுப்பூசியைப் பயன்படுத்துகின்றன என்றும் கல்வி அமைச்சு தெரிவித்துள்ளமை குறிப்பிடத்தக்கது.
000
Related posts:
|
|
|
