உள்ளுராட்சி தேர்தலுக்கு 10 பில்லியன் செலவாகும் – நிதி கேட்டு விண்ணப்பித்துள்ளதாக தேர்தல் ஆணையாளர் சமன் ஸ்ரீ ரத்நாயக்க தெரிவிப்பு!
Sunday, December 25th, 2022
உள்ளூராட்சி சபைத் தேர்தலை நடத்த சுமார் 10 பில்லியன் ரூபா செலவாகும். இதில் வாக்குச் சீட்டுக்கான செலவு மற்றும் தேர்தல் பணியில் இருக்கும் அதிகாரிகளுக்கான கட்டணம் ஆகியவையும் அடங்கும். என தேர்தல் ஆணையாளர் நாயகம் சமன் ஸ்ரீ ரத்நாயக்க தெரிவித்துள்ளார்.
தேர்தல் நடத்துவதற்கான செலவு குறித்து தேர்தல் ஆணையத்திடம் ஆலோசித்து நிதி கேட்டு விண்ணப்பித்துள்ளேன்.
உள்ளாட்சி தேர்தலுக்கான வேட்புமனுக்கள் கோரப்பட்ட பிறகு மதிப்பீடுகளை தயார் செய்வேன் என்றும் அவர் தெரிவித்துள்ளார்
341 உள்ளுராட்சி மன்றங்களுக்கான தேர்தல் நடைபெறவுள்ளதுடன், அதில் 24 மாநகர சபைகள், 41 நகர சபைகள் மற்றும் 276 பிரதேச சபைகள் அடங்கும்.
இந்த வாக்கெடுப்பில் 341 உள்ளூராட்சி மன்றங்களுக்கு 8,356 உறுப்பினர்கள் நியமிக்கப்படவுள்ளனர்.
இதேவேளை 2018 ஆம் ஆண்டிலும் அதற்கு முன்னரும் இருந்ததைப் போன்று உள்ளூராட்சி மன்றங்களுக்கு 4,486 உறுப்பினர்களை நியமிப்பது பொருத்தமானது என ஜனாதிபதி ரணில் விக்கிரமசிங்க முன்னர் தெரிவித்திருந்தமை குறிப்பிடத்தக்கது .
000
Related posts:
|
|
|
