தமிழ் அரசியல் கைதிகளின் விடுதலையை விரைவு செய்யுங்கள் – வடக்கு மாகாணசபையில் ஈ.பி.டி.பி. உறுப்பினர் தவநாதன் வலியுறுத்து!

Thavanathan Friday, October 6th, 2017

தமிழ் அரசியல் கைதிகளின் நிலைமை தொடர்பில் கவனம் செலுத்தி அவர்களது பாதுகாப்பையும் விடுதலை தொடர்பாகவும் விரைவான நடவடிக்கை முன்னெடுக்கப்பட வேண்டும் என ஈழ மக்கள் ஜனநாயக கட்சியின் வடக்கு மாகணசபை உறுப்பினர் வை. தவநாதன் தெரிவித்துள்ளார்.

வடக்கு மாகாணசபையின் 107 ஆவது அமர்வு இன்றையதினம் (06) அவைத் தலைவர் சிவஞானம் தலைமையில் கூடியது. முதலமைச்சர் விக்னேஸ்வரன் சமுகமளிக்காதிருந்த நிலையில் விஷேட பிரேரணையாக தமிழ் அரசியல் கைதிகளின் விவகாரம் அவையில் முன்வைக்கப்பட்டது.

இதில் உரையாற்றுகையிலேயே தவநாதன் இவ்வாறு தெரிவித்துள்ளார்.

குறித்த பிரேரணை ஏகோபித்தவகையில் நிறைவேற்றப்பட்டு கைதிகளின் நிலைமை தொடர்பாகவும் அவர்களது விடுதலை தொடர்பாகவும் ஜனாதிபதிக்கு அறிக்கை ஒன்று அனுப்பிவைக்கப்படவுள்ளதாகவும் அவையில் தீர்மானிக்கப்பட்டுள்ளது.

தமது விடுதலையை வலியுறுத்தி தொடர்ச்சியாக தமிழ் அரசியல் கைதிகள் உணவுதவிர்ப்பு போராட்டத்தை முன்னெடுத்துவரும் நிலையில் பலரது நிலைமை கவலைக்கிடமான நிலையை எட்டியுள்ள நிலையிலேயே தவநாதனால் இவ்வாறு வலியுறுத்தப்பட்டுள்ளது.


புதிய அரசியலமைப்பு வரைவு வருட இறுதிக்குள் பாராளுமன்றில் தாக்கல் செய்யப்படும்
உயர்தர பரீட்சை: இணைந்த கணித வினாத்தாள் தாமதம் - மேற்பார்வையாளர் பணி நீக்கம்!
வடக்கு அதிபர் ஆசிரியர்களின் நிலுவைகள் ஜனவரியில் சீராகும் - வடக்கு கல்விச்செயலர் தெரிவிப்பு!
உடற்கல்வி டிப்ளோமா கற்கைநெறி நிறுத்தம் உடற்கல்வி டிப்ளோமா ஆசிரிய சங்கத் தலைவர் விளக்கம்!
சூழலின் தரம் குறித்து அவதானம் வேண்டும் - ஐரோப்பிய ஒன்றியம்!