E.P.D.P. ஒருபோதும் ஆயுதக்குழுவாகச் செயற்பட்டதில்லை – டக்ளஸ் தேவானந்தா…!

Monday, November 7th, 2016

 

ஈழமக்கள் ஜனநாயக கட்சி உட்பட புலிகளின் அச்சுறுத்தலை எதிர்நோக்கிய தமிழ் அமைப்புகளுக்கு பாதுகாப்பு வழங்க முடியாத நிலையிலேயே அவர்களது தற்பாதுகாப்பிற்காக கடந்த கால அரசுகள் ஆயுதங்களை வழங்கியிருந்தன. அவ்வாயுதங்கள் 2002 ஆம் அண்டு ஏற்படுத்தப்பட்ட புரிந்துணர்வு ஒப்பந்தத்தின் பின்னர் போர்நிறுத்த கண்காணிப்பு குழு முன்னிலையில் அரசிடம் மீளவும் ஒப்படைக்கப்பட்டன. நாம் ஒருபோதும் ஆயுதக்குழுவாகச் செயற்பட்டதில்லை என ஈழமக்கள் ஜனநாயகக் கட்சியின் செயலாளர் நாயகமும் நாடாளுமன்ற உறுப்பினருமான டக்ளஸ் தேவானந்தா தெரிவித்தார்.

இன்று (11) யாழ்.ஊடக அமையத்தில் இடம்பெற்ற ஊடகவியலாளர்கள் சந்திப்பிலேயே அவர் மேற்கண்டவாறு தெரிவித்தார்.

அவர் மேலும் தெரிவிக்கையில்-

இந்திய இலங்கை ஒப்பந்தத்தின் பின்னர் புலிகள் இயக்கம் உட்பட பல இயக்கங்களுக்கு அன்றைய அரசாங்கம் ஆயுதங்களை வழங்கியிருந்தது. ஈ.பி,ஆர்.எல்.எவ், புளொட், ரெலோ, ஈரோஸ், மற்றும் ஈ.என்.டி.எல்.எவ் போன்ற இயக்கங்களுக்கு அப்போது ஆயுதங்கள் வழங்கப்பட்டிருந்தன.

அவற்றை அவர்கள் வேறு நோக்கங்களுக்காக பயன்படுத்தியிருக்கலாம். ஆனால் நாம் ஒருபோதும் ஆயுதக்குழுவாகச் செயற்பட்டதில்லை எனவும் அவர் சுட்டிக்காட்டிய டக்ளஸ் தேவானந்தா  ஏனைய தமிழ் இயக்கங்களைப்போல நாம் புலிகள் இயக்கத்தை  தேடி அழிக்கும் முயற்சியிலும் ஈடுபடவில்லை என்றும் அவர் மேலும் தெரிவித்திருந்தமை குறிப்பிடத்தக்கது.

dd

Related posts:

ஆளணி உள்ளீர்ப்பில் அர்த்தமுள்ள அணுகுமுறை வேண்டும் - செயலாளர் நாயகம் டக்ளஸ் தேவானந்தா சுட்டிக்காட்டு!
தலைமன்னாருக்கும், இராமேஸ்வரத்திற்குமிடையிலான கப்பல் சேவையை ஆரம்பிப்பதற்கு அமைச்சர் டக்ளஸ் தேவானந்தா ...
தமிழ் அரசியல் கைதிகளை விடுவிக்க காரணங்களை கூறவேண்டாம் – நாடாளுமன்றில் டக்ளஸ் எம்.பி வலியுறுத்து!

வரட்சி காரணமாகப் பாதிக்கப்பட்டுள்ள மக்களுக்கு நிவாரணங்கள் வழங்கப்பட வேண்டும்! நாடாளுமன்ற உறுப்பின...
வீட்டுத் திட்டங்கள் மக்களை கடனாளிகளாக்கிவிட்டது – நாடாளுமன்றில் டக்ளஸ் எம்பி சுட்டிக்காட்டு!
நடைபெற்ற வன்முறையை ஒட்டுமொத்த இலங்கை தேசமும் எதிர்த்து குரல் கொடுத்திருப்பது வரவேற்கத்தக்கது – ஊடகவி...