நுண்கடன்கள் எமது மக்களை தற்கொலை நோக்கித் தள்ளிக் கொண்டிருக்கின்றன – நாடாளுமன்றில் டக்ளஸ் எம்.பி. சுட்டிக்காட்டு!

Saturday, December 9th, 2017

யுத்தத்தின் பின்னரான எமது மக்களின் பொருளாதார பலவீனத்தை இலக்காகக் கொண்டு, வடக்கு, கிழக்கு மாகாணங்களுக்குள் நுழைந்துள்ள ஏராளமான நிதி நிறுவனங்கள், நுண்கடன் என்ற போர்வையில் எமது மக்களை தற்கொலைகளை நோக்கித் தள்ளிக் கொண்டிருக்கின்றன என ஈழ மக்கள் ஜனநாயக கட்சியின் செயலாளர் நாயகம் டக்ளஸ் தேவானந் தா வலியுறுத்தியுள்ளார்.

நாடாளுமன்றில் இன்று நடைபெற்ற வரவு செலவு திட்ட குழுநிலை விவாதத்தில் கலந்தகொண்டு உரையாற்றுகையிலேயே அவர் இவ்வாறு தெரிவித்தார்.

அவர் மேலும் தெரிவிக்கையில் –

யுத்தத்தின் பின்னரான காலகட்டத்தில் ஏற்பட்டிருந்த திடீர் நுகர்வுத் தேவைகளின் காரணமாக வடக்கில் ஏற்பட்டிருந்த உடனடி வர்த்தகப் பொருளாதாரமானது, அதிகமான பொருட் களஞ்சியங்களை உருவாக்கியதன் காரணமாக, வடக்கின் வர்த்தகத்துறையானது அதிகளவு படுகடன் சுமையால் பாதிக்கப்பட்டுள்ளது.

பிரமிட் போன்ற வர்த்தக நடவடிக்கைகள் இன்னமும் எமது பகுதிகளில் எமது மக்களை சுரண்டி வருகின்றன.

இத்தகைய பல்வேறு வகையிலான பாதிப்புகளுக்கு உட்பட்டுவருகின்ற எமது மக்களைக் குறிவைத்தே அரசும் தனது ஏற்பாடுகளை முன்னெடுத்து வருவதுதான் மிகவும் வேதனையாக இருக்கின்றது.

எமது பகுதிகளில் சுமார் 15 ஆயிரம் குடும்பங்களின் முக்கிய வாழ்வாதாரமான பனை வள உற்பத்திகளையும் கேள்விக்கு உட்படுத்தும் வகையில், பனங் கள் இறக்குவதற்குத தடை என ஒரு வர்த்தமானி அறிவித்தல் அண்மையில் வெளியிடப்பட்டிருந்தது.

இத்தகைய ஏற்பாடுகள் தெரிந்து கொண்டுதான் மேற்கொள் ளப்படுகின்றனவா? அல்லது, தெரியாத்தனமாக மேற்கொள்ளப்படு கின்றனவா? என்பதே எமக்குப் புரியாமல் இருக்கின்றது – என்றார்.


கல்விச் செயற்பாடுகளில் அரசியல் தலையீடுகள் கூடாது - டக்ளஸ் தேவானந்தா!
தமிழ் தேசியக் கூட்டமைப்பினரது பொய்முகங்கள் வெளிப்படுத்தப்பட்டு வருகின்றன - டக்ளஸ் தேவானந்தா சுட்டிக்...
களுத்துறை மாவட்ட தமிழ்க் கல்வித்துறையில் அரசு அதிக கவனமெடுக்க வேண்டும் - கல்வி அமைச்சரிடம் டக்ளஸ் எம...
கையேந்தும் வாழ்வு நிலையில் இருந்து மாற்றம் காண ஈழ மக்கள் ஜனநாயகக் கட்சியின் வெற்றி அவசியம் - தம்பிலு...
மாகாணசபை முறைமை உரிமை போராட்டத்திற்கு கிடைத்த முதல் வெற்றி - நாடாளுமன்றில் டக்ளஸ் எம்.பி சுட்டிக்காட...