ஐபிஎல் தொடர்: மும்பை அணி வெற்றி!

Friday, April 19th, 2019

டெல்லியில் நடைபெற்ற ஐபிஎல் கிரிக்கெட் போட்டியில் டெல்லி அணியை வீழ்த்தி மும்பை அணி 40 ஓட்டங்கள் வித்தியாசத்தில் வெற்றி பெற்றது.

ஐபிஎல் தொடரின் 34-வது லீக் ஆட்டம் நேற்று இரவு 8 மணிக்கு டெல்லி பெரோஸ் ஷா கோட்லா மைதானத்தில் நடைபெற்றது.

இதில் டெல்லி கேப்பிட்டல்ஸ் – மும்பை இந்தியன்ஸ் அணிகள் மோதின. டாஸ் வென்ற மும்பை இந்தியன்ஸ் அணி தலைவர் ரோகித் சர்மா துடுப்பாட்டத்தை தேர்வு செய்தார். இதையடுத்து, களமிறங்கிய மும்பை அணி 20 ஓவரில் 5 விக்கெட்டுக்கு 168 ஓட்டங்கள் எடுத்தது.

பின்னர் 169 ஓட்டங்கள் எடுத்தால் வெற்றி என்ற இலக்குடன் களம் இறங்கிய டெல்லி அணி 20 ஒவர் முடிவில் 9 விக்கெட்டை இழந்து 128 ஓட்டங்கள் மட்டுமே எடுத்தது.

இதையடுத்து மும்பை அணி 40 ஓட்டங்கள் வித்தியாசத்தில் வெற்றி பெற்றது. இப்போட்டியில் மும்பை வீரர் பாண்டியா ஆட்டநாயகனாக தேர்வு செய்யப்பட்டார்.

Related posts:

Tweet