அவுஸ்திரேலிய பகிரங்க டென்னிஸ் : ஷிமோனா ஹெலப் அதிர்ச்சி தோல்வி!
Wednesday, January 18th, 2017
அவுஸ்திரேலிய பகிரங்க டென்னிஸ் போட்டியில் ஷிமோனா ஹெலப் 3-−6, 1-−6 என்ற கணக்கில் அதிர்ச்சிகரமாக தோல்வியடைந்துள்ளார்.
கிராண்ட்சலாம் போட்டிகளில் ஒன்றான அவுஸ்திரேலிய பகிரங்க டென்னிஸ் போட்டி மெல்போர்ன் நகரில் நேற்று தொடங்கியது.
தொடக்க நாளிலே முன்னணி வீராங்கனைகளில் ஒருவரான ஷிமோனா ஹெலப் அதிர்ச்சிகரமாக வெளியேறினார். உலகின் 4-ம் நிலை வீராங்கனையான அவர் முதல் சுற்றில் அமெரிக்காவை சேர்ந்த ஷெல்பி ரோஜர்சை எதிர்கொண்டார்.
இதில் ஹெலப் 3-−6, 1-−6 என்ற கணக்கில் அதிர்ச்சிகரமாக தோற்றார். 7-ம் நிலை வீராங்கனையான கார்பன் முகுருஜா (ஸ்பெயின்) முதல் சுற்றில் 7-−5, 6-−4 என்ற கணக்கில் மரினாவை (நியூசிலாந்து) வீழ்த்தி 2-வது சுற்றுக்கு தகுதி பெற்றார். இதேபோல வீனஸ் வில்லியம்ஸ் (அமெரிக்கா) 7-−6, (7-−5), 7-−5 என்ற நேர்செட் கணக்கில் கேத்ரினாவை (உக்ரைன்) வீழ்த்தினார்.
உலகின் 5-ம் நிலை வீரரான நிஷிகோரி (ஜப்பான்) 5-−7, 6-−1, 6-4, 6-−7 (6-−8), 6-−2 என்ற செட் கணக்கில் கடும் போராட்டத்துக்கு பிறகு குஸ்னெட் கோவை (ரஷ்யா) வீழ்த்தி 2-வது சுற்றுக்கு முன்னேறினார். மற்ற ஆட்டங்களில் 10-ம் நிலை வீரரான தாமஸ் பெர்டிச் (செக் குடியரசு), டொமினிக் (அவுஸ்திரேலியா) ஆகியோர் வென்றனர்.
Related posts:
|
|
|
