கோப்பாய்ப்  பொலிஸார் இருவர் மீது கொக்குவில் பகுதியில் தாக்குதல்: மேலும் இருவர் கைது !

யாழ்.கோப்பாய்ப்  பொலிஸார் இருவர் மீது  கொக்குவில் பகுதியில் மேற்கொள்ளப்பட்ட வாள்வெட்டுத் தாக்குதல் சம்பவம் தொடர்பில் மேலும் இரு சந்தேகநபர்களைக் கோப்பாய்ப்  பொலிஸார் இன்று வியாழக்கிழமை(03) கைது செய்துள்ளனர்.

நல்லூர்  அரசடி வீதியைச் சேர்ந்த முத்து என அழைக்கப்படும் யோகராஜா சதீஸ் (வயது-18) மற்றும் அருள்சீலன் பெட்ரிக் தினேஷ் (வயது- 18)  ஆகிய இரு சந்தேகநபர்களே இவ்வாறு கைது  செய்யப்பட்டுள்ளனர்.

குறித்த சம்பவம் தொடர்பில் கடந்த செவ்வாய்க்கிழமை இருவர் கைது செய்யப்பட்டுள்ளதுடன் அவ்விருவரும் எதிர்வரும் ஆகஸ்ட்- 10 ஆம் திகதி வரை விளக்கமறியலில் வைக்கப்பட்டுள்ளனர்.

கடந்த ஞாயிற்றுக்கிழமை (30)  கொக்குவில் பகுதியில் நடைபெற்ற இந்தச் சம்பவத்தில் படுகாயங்களுக்குள்ளான இரு பொலிஸ் அதிகாரிகள் யாழ்ப்பாணம் போதனா   வைத்தியசாலையில் அனுமதிக்கப்பட்டுள்ளனர்.