ஐ.நா. சிறுவர் நிதியம், 50 மில்லியன் அமெரிக்க டொலர்களை செலவிட திட்டம்!
Tuesday, June 13th, 2017
அடுத்துவரும் நான்கு வருடங்களில் இலங்கை சிறுவர்களுக்காக 50 மில்லியன் அமெரிக்க டொலர்களை செலவிட ஐக்கிய நாடுகளின் சிறுவர் நிதியம் (யுனிசெப்) திட்டமிட்டுள்ளது
பொருளாதார, கொள்கை திட்டமிடல் பிரதி அமைச்சர் ஹர்ஷ டி சில்வா இதனை தெரிவித்துள்ளார்
யுனிசெப் அமைப்பின் பிரதிநிதிகளுடன் நியுயோர்க்கில் தாம், நடத்திய பேச்சுவார்த்தையின்போது இதற்கான இணக்கம் எட்டப்பட்டுள்ளதாக அவர் குறிப்பிட்டுள்ளார்
இதற்கமைய, 2018 ஆம் ஆண்டு முதல் 2022 ஆம் ஆண்டுவரை இலங்கை சிறார்களுக்கு விசேட வேலைத் திட்டங்கள் முன்னெடுக்கப்படவுள்ளன
இந்த வேலைத் திட்டத்திற்கான திட்டவரைவு எதிர்வரும் செப்டம்பர் மாதத்தில் சமர்ப்பிக்கப்படவுள்ளதாக தெரிவிக்கப்படுகின்றது
சிறுவர்களுக்கு எதிரான வன்முறைகள் உள்ளிட்ட பிரச்சினைகள் தொடர்பில் விழிப்புணர்வை மேம்படுத்தல் மற்றும் சிறுவர்களின் திறமைகளை மேம்படுத்தல் போன்ற இலக்குகளை மையப்படுத்தும் வகையில் இந்த செயற்திட்டங்கள் முன்னெடுக்கப்படவுள்ளன
Related posts:
|
|
|
