உயர்தர விடைத்தாள்களை மதிப்பீடு செய்வதில் தலையிடுங்கள் – பல்கலைக்கழக விரிவுரையாளர்களிடம் கல்வி அமைச்சு கோரிக்கை!
Thursday, April 13th, 2023
பல்கலைக்கழக ஆசிரியர் சங்க சம்மேளனம் (FUTA) தனது தொழிற்சங்க நடவடிக்கையை இடைநிறுத்துவதற்கான முடிவை வரவேற்கும் அதே வேளையில், கல்வி அமைச்சு உயர்தர (உ/த) விடைத்தாள் மதிப்பீட்டை ஆரம்பிப்பதில் தலையிடுமாறு உறுப்பினர்களிடம் கோரிக்கை விடுத்துள்ளது.
உயர்தரப் பரீட்சை விடைத்தாள்களை மதிப்பீடு செய்யும் பணியை ஆரம்பிக்க பரீட்சை திணைக்களம் தயாராக உள்ளதாக அமைச்சு அறிக்கையொன்றை வெளியிட்டுள்ளது.
மேலும் ஏதேனும் பிரச்சினைகளைப் பற்றி விவாதிக்க விரும்பினால், எந்த நேரத்திலும் அதைச் செய்யத் தயாராக இருப்பதாக அமைச்சகம் FUTA க்கு தெரிவிக்கிறது.
திங்கட்கிழமை (17) பல்கலைக்கழக விரிவுரைகளை மீண்டும் ஆரம்பிப்பதற்கு எடுக்கப்பட்ட தீர்மானத்தையும் அமைச்சு வரவேற்றுள்ளது.
எவ்வாறாயினும், அரசாங்கத்தால் விதிக்கப்பட்ட வரிக் கொள்கைக்கு எதிராக அவர்கள் தொடங்கிய வேலை நிறுத்தத்தை தற்காலிகமாக இடைநிறுத்த FUTA முடிவு செய்திருந்தது.
பொருளாதார நெருக்கடியை எதிர்கொண்டு அதன் தொழிற்சங்க நடவடிக்கை ஆரம்பிக்கப்பட்டது. FUTA தனது தொழிற்சங்க நடவடிக்கையை மார்ச் 9 அன்று ஆரம்பித்தமை குறிப்பிடத்தக்கது.
000
Related posts:
|
|
|
