அடுத்த ஆண்டுக்கான பிரிக்ஸ் உச்சி மாநாடு தென்னாப்ரிக்காவில்!

Saturday, September 23rd, 2017

அடுத்த ஆண்டு பிரிக்ஸ் கூட்டமைப்பு நாடுகள் பங்கேற்கும் 10ஆவது உச்சி மாநாடு தென்னாப்ரிக்காவில் நடைபெறும் என உறுப்பு நாடுகளின் வெளியுறவு அமைச்சர்கள் கலந்து கொண்ட கூட்டத்தில் அறிவிக்கப்பட்டுள்ளதாக செய்திகள் வெளியாகியுள்ளன.

பிரேசில், ரஷ்யா, இந்தியா, சீனா, தென்னாப்ரிக்கா ஆகிய ஐந்து நாடுகள் பிரிக்ஸ் அமைப்பில் அங்கம் வகிக்கின்றன. பொருளாதார ஒத்துழைப்பு, வணிகம் ஆகிய துறைகளில் கூட்டாக பங்களிப்பு அளிக்கும் விதமாக ஒவ்வொரு ஆண்டும் இந்த அமைப்பின் உச்சி மாநாடு நடைபெறுகிறது.

இந்த ஆண்டுக்கான கூட்டம் சில மாதங்களுக்கு முன்னர் சீனாவில் நடைபெற்றது. இதில், குறித்த நாடுகளின் தலைவர்கள் கலந்து கொண்டு பேச்சுவார்த்தை நடத்தினர். இந்நிலையில்,2018-ம் ஆண்டுக்கான 10-வது உச்சி மாநாடு தென்னாப்ரிக்காவில் நடத்துவதற்கு முடிவெடுக்கப்பட்டது. மேலும், சர்வதேச தீவிரவாதத்தின் மீதான விரிவான உடன்படிக்கையை ஏற்றுக்கொள்வது என்றும் கூட்டாக முடிவு எடுக்கப்பட்டது.

Related posts: