சுற்றுலாப் பயணிகளின் எண்ணிக்கை மேலும் அதிகரிப்பு – சுற்றுலா அபிவிருத்தி அதிகார சபையின் தலைவர் தெரிவிப்பு!

Monday, July 3rd, 2023

சுற்றுலா அபிவிருத்தி அதிகார சபையின் தரவுகளுக்கு அமைய கடந்த ஜூன் மாதம் சுமார் ஒரு இலட்சம் வெளிநாட்டு சுற்றுலாப் பயணிகள் இலங்கைக்கு வருகை தந்துள்ளனர்.

இதன்படி, ஆண்டின் இதுவரையான காலப்பகுதியில் 6 இலட்சத்து 25 ஆயிரம் சுற்றுலாப் பயணிகள் இலங்கைக்கு வந்துள்ளதாக சுற்றுலா அபிவிருத்தி அதிகார சபையின் தலைவர் பிரியந்த பெர்னாண்டோ தெரிவித்துள்ளார்.

கடந்த ஆண்டு 7 இலட்சத்து 20 ஆயிரம் சுற்றுலாப் பயணிகள் இலங்கைக்கு வருகை தந்திருந்தனர்.

இந்தநிலையில் கடந்த வருடத்துடன் ஒப்பிடுகையில் இந்த ஆண்டு சுற்றுலாப் பயணிகளின் வருகை கணிசமான அளவு அதிகரித்துள்ளதாகவும் சுற்றுலா அபிவிருத்தி அதிகார சபையின் தலைவர் பிரியந்த பெர்னாண்டோ சுட்டிக்காட்டியுள்ளமை குறிப்பிடத்தக்கது

000

Related posts:

Tweet