ஓட்டோ, மோட்டார் சைக்கிள் லீசிங் தொகை குறைப்பு!
Saturday, November 19th, 2016இம்முறை வரவு – செலவுத்திட்டத்தில் முன்மொழியப்பட்டுள்ள பிரேரணையின்படி ஓட்டோக்களும் மோட்டார் சைக்கிள்களுக்கும் இதுவரை வழங்கப்பட்டு வந்த குத்தகை வசதி குறைக்கப்பட்டிருப்பதாக குத்தகை நிதி நிறுவனங்கள் தெரிவித்துள்ளன.
அதன் பிரகாரம் ஓட்டோக்களுக்கான குத்தகை வசதி 70 சதவீதத்திலிருந்து 25 சதவீதம் வரையிலும், மோட்டார் சைக்கிள்களுக்கான வசதி 70 சதவீதத்திலிருந்து 50 சதவீதமாகவும் குறைக்கப்பட்டுள்ளதாக அந்நிறுவனங்கள் தெரிவித்துள்ளன.
இதுவரை நடைமுறையில் இருந்த குத்தகை வசதிகளின் கீழ் ஓட்டோவொன்றைக் கொள்வனவு செய்ய விரும்புவர் அதன் மொத்தப் பெறுமதியில் 30 சதவீதத்தை முதலில் செலுத்தி எஞ்சிய 70 வீதத்தை தவணை முறையில் செலுத்த முடிந்தது. எனினும், புதிய சட்டத்தின்படி அந்த ஓட்டோவின் பெறுமானத்தில் 75 வீதத்தை முதலில் செலுத்தி எஞ்சிய 25 சதவீதத்தை மாத்திரமே தவணை முறையில் செலுத்தலாம். அவ்வாறே மோட்டார் சைக்கிள் ஒன்றுக்கு முதலில் அதன் பெறுமதியில் 50 சதவீதத்தைச் செலுத்தி எஞ்சிய 50 சதவீதத்தையே தவணை முறையில் செலுத்த முடியும் என அந்த நிறுவனங்கள் தெரிவித்துள்ளன.
Related posts:
15 வயதுச் சிறுமியை துஸ்பிரயோகம் செய்த இளைஞனுக்கு விளக்கமறியல்!
சில ஆணைக்குழுக்களின் அதிகாரங்களை வலுப்படுத்துவதற்குரிய செயற்பாடுகளை புதிய அரசியலமைப்பில் முன்னெடுக்க...
தெற்காசியாவின் மிகப்பெரிய சிறுநீரக மருத்துவமனை ஜனாதிபதி கோட்டபய ராஜபக்சவினால் திறந்துவைப்பு!
|
|