இஸ்லாமிய புதுவருடத்தை தீர்மானிக்கும் பிறைக்குழு மாநாடு இன்று!
Saturday, October 1st, 2016ஹிஜ்ரி 1438 முஹர்ரம் புதுவருடத்தை தீர்மானிக்கும் பிறைக்குழு மாநாடு இன்று மஹ்ரிப் தொழுகையின் பின்னர் கொழும்பு பெரிய பள்ளிவாசலில் நடைபெறவுள்ளது.
இஸ்லாமிய புது வருடத்தை தீர்மானிக்கும் நாள் இன்றாகும். எனவே இன்று மஹ்ரிப் தொழுகை நேரமான மாலை 6.03 மணி முதல் முஹர்ரம் தலைப்பிறை பார்க்குமாறு கொழும்பு பெரிய பள்ளிவாசல் வேண்டுகோள் விடுத்துள்ளது. தலைப்பிறை கண்டவர்கள் தகுந்த ஆதாரங்களுடன் 0115234044, 0112432110ஆகிய தொலைபேசி இலக்கங்களுடன் தொடர்பு கொண்டு தெரியப்படுத்துமாறும் கேட்டுக் கொள்ளப்படுகின்றனர்.
இதேவேளை கொழும்பு பெரிய பள்ளிவாசலில் இன்று மாலை நடைபெறவுள்ள பிறைக்குழு மாநாட்டில் அகில இலங்கை ஜம்இய்யதுல் உலமாவின் பிறைக்குழு உறுப்பினர்கள், முஸ்லிம் சயம கலாசாரத் திணைக்கள உறுப்பினர்கள் உட்பட பெரிய பள்ளிவாசல் நிர்வாகத்தினரும் கலந்துகொள்ளவுள்ளனர்.
Related posts:
|
|