எமது பாதை சரியானது என்பதை வரலாறு நிரூபித்திருப்பதாக ஈ.பி.டி.பியின் செயலாளர் நாயகம் டக்டளஸ் தேவானந்தா தெரிவிப்பு!
Saturday, June 13th, 2020
எமது பாதை சரியானது என்பதை வரலாறு நிரூபித்திருப்பதாக தெரிவித்த ஈழ மக்கள் ஜனநாயகக் கட்சியி்ன் செயலாளர் நாயகம் டக்ளஸ் தேவானந்தா, தமது வேலைத் திட்டத்தினை அடுத்த கட்டத்திற்கு கொண்டு செல்வதற்கு மக்கள் ஆதரவு தளத்தினை மேலும் வலுப்படுத்த வேண்டும் எனவும் தெரிவித்தார்.
சாவகச்சேரியில் இன்று நடைபெற்ற கட்சி செயற்பாட்டாளர்களுடனான சந்திப்பிலேயே மேற்கண்டவாறு தெரிவித்தார்.
மேலும், அபிவிருத்தி திட்டங்கள் மாத்திரமன்றி தமிழ் மக்களின் மனங்களில் ஆறாத வடுக்களாக இருக்கும் அரசியல் கைதிகள் விவகாரம், காணாமல் போனோரின் விவகாரம், இதுவரை விடுவிக்கப்படாத காணிகள் போன்றவற்றிற்கும் தீர்வினைப் பெற்றுக் கொள்வதற்கான முயற்சிகள் ஆரம்பிக்கப்பட்டுள்ள நிலையில், நாடாளுமன்ற தேர்தலில் கணிசமான வாக்குகளை மக்கள் வழங்குவார்களாயின் குறித்த விடயங்களை இலகுவாக தீர்த்துக் கொள்ள முடியும் எனவும் அமைச்சர் டக்ளஸ் தேவானந்தா அவர்கள் தெரிவித்துள்மை குறிப்பிடத்தக்கது.
Related posts:
|
|
|
