ஊழல் குற்றச்சாட்டுக்காக 3லட்சம் பேருக்கு தண்டனை!

Monday, March 7th, 2016

சுமார் மூன்று லட்சம் அதிகாரிகள் சீனாவில் ஊழல் குற்றச்சாட்டு தொடர்பில் கடந்த வருடம் தண்டிக்கப்பட்டுள்ளனர் என அந்நாட்டை ஆளும் கம்யூனிஸ்ட் கட்சி தெரிவித்துள்ளது.

இவர்களில் இரண்டு லட்சம் பேருக்கு, குறைவான தண்டனை வழங்கப்பட்டுள்ளது. மற்றையவர்களில் 82 ஆயிரம் பேருக்கு எதிராக கடுமையான ஒழுங்காற்று நடவடிக்கை எடுக்கப்பட்டுள்ளது.

சீனாவின் அதிபராக ஸீ ஜின்பிங் 2013ஆம் ஆண்டு பதவியேற்றதிலிருந்து அந்நாட்டில் ஊழலுக்கு எதிரான நடவடிக்கைகள் தீவிரமாக முன்னெடுக்கப்பட்டு வருகின்றன.

ஊழலுக்கு எதிரான இந்த நடவடிக்கையில் முக்கியஸ்தர்கள் சிலரும் இலக்கு வைக்கப்பட்டுள்ளனர்.

ஆகவே, ஊழலுக்கு எதிரான இந்த நடவடிக்கை என்பது அதிபரின் ஸீ ஜின்பிங்கின் அதிகாரத்தைக் குவிக்கும் ஒரு நடவடிக்கை என்றும் பலர் கருதுகின்றனர்.

Related posts:

Tweet