யாழ் மாவட்ட ஏ அணி அசத்தல் வெற்றி!
Wednesday, July 25th, 2018
வடமாகாண துடுப்பாட்டச் சங்கம் நடத்தும் 23 வயதுக்குட்பட்ட மாவட்ட அணிகளுக்கு இடையிலான தொடரில் நேற்று முன்தினம் இடம்பெற்ற ஆட்டமொன்றில் யாழ்ப்பாண மாவட்ட ஏ அணி 149 ஓட்டங்களால் அபார வெற்றிபெற்றது.
யாழ்ப்பாணம் சென்.பற்றிக்ஸ் கல்லூரி மைதானத்தில் இடம்பெற்ற இந்த ஆட்டத்தில் யாழ்ப்பாண மாவட்ட ஏ அணியை எதிர்த்து முல்லைத்தீவு மாவட்ட அணி மோதியது.
முதலில் துடுப்பெடுத்தாடிய யாழ்ப்பாண மாவட்ட ஏ அணி நிர்ணயிக்கப்பட்ட 50 பந்துப் பரிமாற்றங்களில் 9 இலக்குகளை இழந்து 238 ஓட்டங்களைப் பெற்றது. அதிகபட்சமாக நிசான் 58 ஓட்டங்களையும் அலன்ராஜ் 49 ஓட்டங்களையும் பெற்றனர். பந்துவீச்சில் ரதுசன் 4 இலக்குகளையும் அஞ்சேயன் 2 இலக்குகளையும் வீழ்த்தினர். 239 ஓட்டங்களைப் பெற்றால் வெற்றியென்ற இலக்குடன் பதிலுக்குத் துடுப்பெடுத்தாடிய முல்லைத்தீவு மாவட்ட அணி 21.1 பந்துப் பரிமாற்றங்களில் 89 ஓட்டங்களுக்குச் சகல இலக்குகளையும் இழந்தது. கயன் ஆட்டமிழக்காமல் பெற்ற 30 ஓட்டங்களே அதிகபட்சம்.
Related posts:
|
|
|
