இரண்டு மாதங்களில் 16479 பேர் டெங்கினால் பாதிப்பு – சுகாதார அமைச்சு!

Friday, March 3rd, 2017

நாடளாவிய ரீதியில் இவ்வருடத்தின் கடந்த இருமாத காலப்பகுதிக்குள் 16479 டெங்குநோயாளர்கள் இனங்காணப்பட்டுள்ளதாக சுகாதார அமைச்சு அறிவித்துள்ளது.

டெங்கு நோய் குறித்து மக்களுக்கு தெளிவூட்டும் வேலைத்திட்டத்தின் அடிப்படையில் மார்ச் 29 ஆம் திகதி முதல் ஏப்ரல் 4 ஆம் திகதி வரையான காலத்தை தேசிய டெங்கு ஒழிப்பு வாரமாக பிரகட னப்படுத்தப்படவுள்ளதாக அமைச்சு விடுத்துள்ள ஊடக அறிக்கையில் குறிப்பிடப்பட்டுள்ளது.

அவ்வறிக்கையில் மேலும் குறிப்பிடப்பட்டுள்ளதாவது,

நாட்டில் இவ்வருடத்தின் இதுவரையான காலப்பகுதிக்குள் 16479 டெங்குநோயாளர்கள் இனங்காணப்பட்டுள்ளனர். அதனடிப்படையில் கொழும்பு மாவட்டத்தில் 4136 பேரும் கம்பஹா மாவட்டத்தில் 2192 பேரும் காலி மாவட்டத்தில் 1196 பேரும் டெங்கு நோயாளர்களாக இனங்காணப்பட்டுள்ளனர்.

யாழ்ப்பாண மாவட்டத்தில் 996 பேரும் திருக்கோணமலையில் 824 பேரும் களுத்துறை மாவட்டத்தில் 819 பேரும் டெங்கு நோயாளர்களாக இனங்காணப்பட்டுள்ளனர். கடந்த வருட முற்பகுதியில் பதிவாகிய டெங்குநோயாளர்களை விடவும் இம்முறை நோயாளர்களின் எண்ணிக்கை அதிகரித்துள்ளது. கடந்த வருடத்தின் இதுவரையான காலப்பகுதியில் 11133 டெங்குநோயாளர்களே இனங்காணப்பட்டிருந்தனர்.

இந்நிலையில் டெங்கு நோயை கட்டுப்படுத்துவதற்கு நாடளாவிய ரீதியில் அமைச்சினால் வேலைத்திட்டங்கள் முன்னெடுக்கப்பட்டு வருகின்றன. இதற்கென 500 க்கும் மேற்பட்ட குழுக்கள் சேவையில் ஈடுபடுத்தப்பட்டு டெங்கு ஒழிப்பு நடவடிக்கைகளை மேற்கொண்டு வருவதுடன் புதிதாக குறித்த டெங்கு ஒழிப்பு பணியில் இணைத்துக்கொள்ளப்பட்டவர்களுக்கான நியமனம் இன்று வியாழக்கிழமை சுகாதார அமைச்சரினால் வழங்கி வைக்கப்படவுள்ளன.

டெங்கு நோய் குறித்து மக்கள் தொடர்ந்தும் அவதானத்துடன் செயற்படுமாறு அறிவுறுத்தப்பட்டுள்ளது. சுற்றுபுறச்சூழலில் டெங்கு பரவும் காரணிகளை அகற்றி தூய்மையாக வைத்திருக்குமாறும் மூன்று நாட்களுக்கு மேலாக தொடர்ந்தும் காய்ச்சல் இருந்தால் அல்லது உடம்பில் சிவப்பு நிறத்திலான அடையாளம் மற்றும் டெங்கு அறிகுறிகள் காணப்பட்டாலே உடனடியாக வைத்திய ஆலோசனையை பெற்றுக்கொள்ளுமாறு அமைச்சினால் அறிவுறுத்தப்பட்டுள்ளது.

டெங்கு நோய் தொடர்பில் மக்களுக்கு தெளிவூட்டுவதற்கு மார்ச் மாதம் 29 ஆம் திகதி முதல் ஏப்பிரல் மாதம் 4 ஆம் திகதி வரையில் டெங்கு ஒழிப்பு வாரமாக பிரகடனப்படுத்தப்படவுள்ளது. டெங்கு நோய் பரவும் வகையிலான சூழலை வைத்திருப்போருக்கு எதிராக சுற்றி வளைப்புகள் மேற்கொள்ளப்படவுள்ள துடன் அவர்களுக்கு எதிராக சட்ட நடவ டிக்கையும் மேற்கொள்ளப்படவுள்ளதாகவும் அமைச்சு விடுத்துள்ள அறிக்கையில் மேலும் சுட்டிக்காட்டப்பட்டுள்ளது.

நோயாளர்களின் நலன்கருதி சாவகச்சேரி மருத்துவமனையில் அலைபேசியைப் பயன்படுத்த பணியாளர்களுக்குக் கட்டுப்பா...

யாழ் மாநகர சபையின் ஏற்பாட்டில் முதன்முறையாக முத்தமிழ் விழா!

பலத்த பாதுகாப்புடன் கூடியது நாடாளுமன்றம் – நாட்டின் நிலைமைகள் குறித்து கடுமையான வாதப் பிரதிவாதங்கள்!