அமைச்சரவையில் அதிரடி மாற்றம் – சுற்றாடல் அமைச்சராக கெஹலிய ரம்புக்வெல்ல – ரமேஷ் பத்திரனவிற்கு கைத்தொழில் அமைச்சுடன் சுகாதார அமைச்சுப் பதவி – புதிய அமைச்சர்கள் ஜனாதிபதி முன்னிலையில் பதவிப் பிரமாணம்!

Monday, October 23rd, 2023

விவசாயம் மற்றும் பெருந்தோட்ட கைத்தொழில் அமைச்சராக மஹிந்த அமரவீரவும், சுற்றாடல் அமைச்சராக கெஹலிய ரம்புக்வெல்லவும் நியமிக்கப்பட்டுள்ளனர்.

இந்நிலையில் ரமேஷ் பத்திரனவிற்கு கைத்தொழில் அமைச்சுப் பதவிக்கு மேலதிகமாக சுகாதார அமைச்சுப் பதவி வழங்கப்பட்டுள்ளது.

இதேவேளை ரஞ்சித் சியம்பலாபிட்டியவிற்கு நிதி இராஜாங்க அமைச்சுக்கு மேலதிகமாக தோட்டத் தொழில் முயற்சிகள் அமைச்சரவை அல்லாத அமைச்சு பதவி வழங்கப்பட்டுள்ளது.

ஜனாதிபதி செயலகத்தில் இந்த நியமனம் ஜனாதிபதி ரணில் விக்ரமசிங்கவினால் இன்று முற்பகல் வழங்கப்பட்டுள்ளது.

முன்னதாக சுகாதார அமைச்சராக கெஹலிய ரம்புக்வெல்ல பணியாற்றியிருந்தமை குறிப்பிடத்தக்கது

000

நாளை நமதே!.. எந்நாளும் நமதே!!..