பலாலி விமான நிலைய விஸ்தரிப்புக்கு மக்களின் காணிகள் சுவீகரிப்பு – தெல்லிப்பழை பிரதேச செயலகம் அறிவிப்பு!

பலாலி விமான நிலையத்திற்கான காணி சுவீகரிப்பு தொடர்பான அறிவிப்பு வலி.வடக்கு பிரதேச செயலாளரால் விடுக்கப்பட்டுள்ளது.

இது தொடர்பான சுவரொட்டி கட்டுவன் சந்தியில் ஒட்டப்பட்டுள்ளது. பலாலி விமான நிலையத்திற்கான காணி சுவீகரிப்பு சட்டத்தின் பிரிவு 38 (A) யின் கீழ் 07.08.1987 ஆம் திகதி பிரசுரிக்கப்பட்ட 465/14 ஆம் இலக்க அறிவித்தலுக்கு அமைவாக பலாலி விமான நிலைய விஸ்தரிப்புக்காக காணி சுவீகரிக்கப்பட்டுள்ளது.

காணிகள் உள்ள கிராம அலுவலர் பிரிவுகள் ஜே/240 – தென்மயிலிட்டி தெற்கு, ஜே/46 – மயிலிட்டி தெற்கு, ஜே/256 – பலாலி மேற்கு, ஜே/252 – பலாலி தெற்கு, ஜே/242 – குரும்பசிட்டி பகுதிகளில் காணிகளை உடைய உரிமையாளர்கள் தெல்லிப்பழை பிரதேச செயலக காணிக்கிளையுடன் தொடர்புகொண்டு அவர்களது விபரங்களை பதிவு செய்யுமாறு கேட்டுக் கொள்ளப்பட்டுள்ளது. இராணுவ கம்பி வேலிக்கு உட்பட்ட கட்டுவன் – மயிலிட்டி வீதி பகுதிகளில் உள் பகுதிகளில் குறிப்பிட்ட ஒரு தொகுதி காணிகள் விடுவிக்கப்படலாம். மீதிப் பகுதி விமான நிலைய விஸ்தரிப்புக்கு எடுக்கப்படவுள்ளது என்றும் அறிவிக்கப்பட்டுள்ளது.