டெங்கு அதிபரிப்பு : நீதிமன்றம் எச்சரிக்கை!

Friday, October 27th, 2017

டெங்கு நுளம்பு உற்பத்தியாகக் கூடிய நீர் நிலைகளை வைத்திருப்பது குற்றமாகும். இவ்வாறான தவறுகள் இனிமேல் இடம்பெறுமாயின் குடியிருப்பாளர்களை சிறைக்கு அனுப்பத் தயங்கமாட்டேன் இவ்வாறு எச்சரிக்கை செய்த சாவகச்சேரி நீதிமன்ற நீதிவான் குற்றவாளிகளுக்கு தலா 3 ஆயிரம் ரூபா வீதம் தண்டம் விதித்து தீர்ப்பளித்துள்ளார்.

சுகாதார அமைச்சின் டெங்குக் கட்டுப்பாட்டுப் பிரிவினரின் அறிவுறுத்தலுக்கமைய சாவகச்சேரிப் பகுதி சுகாதாரத் திணைக்களத்தினரால் கடந்த 16, 17 ஆம் திகதிகளில் டெங்குப் பரிசோதனைகள் நடத்தப்பட்டன. இரு தினங்களிலும் 53 பேருக்கு எதிராக வழக்குகள் பதிவு செய்யப்பட்டன.

இதன்போது சாவகச்சேரிப் பொலிஸாரால் 11 பேருக்கு எதிராக வழக்கு தாக்கல் செய்யப்பட்டு தலா 3 ஆயிரம் ரூபா வீதம் தண்டம் விதிக்கப்பட்டது.

மேலும் சாவகச்சேரி பிரதேச பொதுச் சுகாதாரப் பரிசோதகரால் மேலும் 19 பேருக்கு எதிராக சாவகச்சேரி நீதிமன்றில் தாக்கல் செய்யப்பட்டது.  வழக்குகளை விசாரித்த நீதிவான் குடியிருப்பாளர்களைக் கடுமையாக எச்சரித்து தலா 3 ஆயிரம் ரூபா வீதம் தண்டம் விதித்தார்.

கடந்த இரு தினங்களில் சாவகச்சேரி நீதிமன்றில் டெங்கு நுளம்பு உற்பத்தியாகக் கூடிய நீர்நிலைகளை வைத்திருந்த 30 பேருக்கு தலா 3 ஆயிரம் ரூபா வீதம் 90 ஆயிரம் ரூபா தண்டம் விதிக்கப்பட்டுள்ளமை குறிப்பிடத்தக்கது.



Fatal error: Uncaught Error: Call to undefined function get_related_posts_thumbnails() in /home/dayadiya/public_html/epdpnews.com/wp-content/themes/epdp 2020/content.php:106 Stack trace: #0 /home/dayadiya/public_html/epdpnews.com/wp-includes/template.php(878): require() #1 /home/dayadiya/public_html/epdpnews.com/wp-includes/template.php(811): load_template('/home/dayadiya/...', false, Array) #2 /home/dayadiya/public_html/epdpnews.com/wp-includes/general-template.php(206): locate_template(Array, true, false, Array) #3 /home/dayadiya/public_html/epdpnews.com/wp-content/themes/epdp 2020/single.php(20): get_template_part('content', '') #4 /home/dayadiya/public_html/epdpnews.com/wp-includes/template-loader.php(113): include('/home/dayadiya/...') #5 /home/dayadiya/public_html/epdpnews.com/wp-blog-header.php(19): require_once('/home/dayadiya/...') #6 /home/dayadiya/public_html/epdpnews.com/index.php(17): require('/home/dayadiya/...') #7 {main} thrown in /home/dayadiya/public_html/epdpnews.com/wp-content/themes/epdp 2020/content.php on line 106