மக்களின் நலன்களே எமது நோக்கம் – ஈ.பி.டி.பியின் யாழ் மாவட்ட நிர்வாக செயலாளர் வி.கே.ஜெகன்!

முழுமையாக மக்கள் மயப்படுத்தப்பட்டுள்ள ஈழ மக்கள் ஜனநாயக கட்சியானது அதன் எதிர்கால செயற்பாடுகளை மேலும் வலுப்படுத்திக்கொள்வதற்காக ஒவ்வொரு பிரதேசங்களிலும் வட்டார ரீதியான கட்டமைப்பை உருவாக்கி அதில் பெரு வெற்றி கண்டுள்ளது என்பதுடன் மக்களுக்கும் கட்சிக்கும் இடையில் மேலும் நெரக்கமான ஒரு உறவுப்பாலத்தையும் உருவாக்கியுள்ளது என ஈழமக்கள் ஜனநாயக கட்சியின் யாழ் மாவட்ட நிர்வாக செயலாளர் கா வேலும்மயிலும் குகேந்திரன் தெரிவித்துள்ளார்.

யாழ்ப்பாணத்தில் அமைந்துள்ள கட்சியின் தலைமையகத்தில் இன்றையதினம் நடைபெற்ற வட்டார செயலாளர்களுடனான சந்திப்பின்போதே அவர் இவ்வாறு தெரிவித்துள்ளார்.

அவர் மேலும் உரையாற்றுகையில்

இன்று கட்டப்பட்டுள்ள இந்த வட்டார அமைப்பானது கட்சியின் எதிர்கால செயற்பாடுகளை மக்களிடம் எடுத்துச் செல்லும் பலமிக்க ஊடகமாக இருப்பதுடன் செயலாளர் நாயகத்தின் எண்ணக்கருவில் உருவாக்கப்பட்டுள்ளது. அத்துடன் குறித்த கட்டமைப்பு தமிழ் மக்களின் அனைத்து நலன்களையும் முன்னிறுத்தி எதிர்கால தேவைகளை வென்றெடுப்பதற்கான கட்டமைப்பாகவும் அமைந்துள்ளது.

இந்நிலையில் இன்று ஒன்றுகூடியுள்ள எமது வட்டார நிர்வாக செயலாளர்கள் மக்களுக்கு கட்சியின் செயற்றிட்டங்களையும் அது முன்னெடுத்துச் செல்லும் நோக்கத்தையும்  முழுமையாக  மக்களிடம் எடுத்துச் சென்று மேலும் அதிகரித்த பலத்தை பெற்றுக்கொள்வதனூடாக தமிழ் மக்களது எதிர்கால அரசியல் மற்றும் அபிவிருத்தி சார்ந்த தேவைகளை வெற்றிகொள்ளும் திறனை உருவாக்கிக் அதன் அடைவுமட்டத்தை எட்டமுடியும் என்றும் தெரிவித்தார்