இந்தியா– இங்கிலாந்து டி20 போட்டி இன்று ஆரம்பம்!

இந்தியா – இங்கிலாந்து அணிகள் மோதிய 20 ஓவர் போட்டிகள் பற்றி சில கண்ணோட்டங்களை பார்ப்போம்.

இரு அணிகளும் 20 ஓவர் போட்டியில் முதல் முறையாக 2007-ல் மோதின. தென்ஆபிரிக்காவில் நடந்த உலககிண்ணத்தில் இந்தியா 18 ஓட்டங்களால் வெற்றி பெற்றது.

இரு அணிகளும் இதுவரை 8 முறை மோதியுள்ளன. இதில் இந்தியா 3 ஆட்டத்திலும், இங்கிலாந்து 5 போட்டியிலும் வெற்றி பெற்றுள்ளன.

இந்திய அணி 2007-ல் டர்பன் மைதானத்தில் 4 விக்கெட் இழப்புக்கு 218 ஓட்டங்கள் குவித்ததே இங்கிலாந்துக்கு எதிரான அதிகபட்ச ஓட்ட எண்ணிக்கையாகும். அந்த அணி அதிகபட்சமாக 6 விக்கெட் இழப்புக்கு 200 ஓட்டங்கள் எடுத்து இருந்தது.

விராட் கோலி 6 ஆட்டத்தில் 184 ஓட்டங்கள் எடுத்து முதல் இடத்தில் உள்ளார். இங்கிலாந்து அணியின் தலைவர் மோர்கன் 176 ஒட்டங்கள் எடுத்து அதற்கு அடுத்த நிலையில் உள்ளார். அவர் 71 ஓட்டங்கள் எடுத்ததே தனிப்பட்ட வீரரின் அதிகபட்சமானது. ஹர்பஜன்சிங் அதிக பட்சமாக 8 விக்கெட் கைப்பற்றி உள்ளார். டென்பெஞ்ச் 7 விக்கெட் எடுத்துள்ளார்.

ஹர்பஜன் 12 ஒட்டங்கள் கொடுத்து 4 விக்கெட் கைப்பற்றியதே சிறந்த பந்துவீச்சு ஆகும்.