உலகக் கிண்ண தகுதிகாண் போட்டிகள் – ஸ்பெய்ன், இத்தாலி வெற்றி!

ரஷ்யாவில் 2018ஆம் ஆண்டு இடம்பெறவுள்ள கால்பந்தாட்ட உலகக்கிண்ணத்துக்கான தகுதிகாண் போட்டிகளில், நேற்று சனிக்கிழமை (12), இடம்பெற்ற போட்டிகளில், முன்னாள் உலக சம்பியன்களான ஸ்பெய்ன், இத்தாலி ஆகிய அணிகள் வெற்றி பெற்றுள்ளன.

ஸ்பெய்ன், மசிடோனியா ஆகிய அணிகளுக்கிடையிலான போட்டியில், 4-0 என்ற கோல் கணக்கில் ஸ்பெய்ன் வெற்றி பெற்றது. ஸ்பெய்ன் சார்பாக, விட்டோலோ, நாச்சோ மொன்றீயல், அரிட்ஸ் அடுரிஸ் ஆகியோர் தலா ஒவ்வொரு கோலைப் பெற்றிருந்ததோடு, “ஓவ்ண் கோல்” மூலம் மேலுமொரு கோல் பெறப்பட்டிருந்தது.

இத்தாலி, லிட்டின்ஸ்‌டைன் ஆகிய அணிகளுக்கான போட்டியில், 4-0 என்ற கோல் கணக்கில் வெற்றி பெற்றது. இத்தாலியின் கோல்கள் அனைத்தும் இரண்டாவது பாதியிலேயே பெறப்பட்டிருந்த நிலையில், அன்ட்றியா பெலொட்டி இரண்டு கோல்களையும் சிரோ இம்மொபைல், அந்தோனியோ கன்ட்ரேவா ஆகியோர் தலா ஒவ்வொரு கோலைப் பெற்றனர்.

வேல்ஸ், சேர்பியா அணிகளுக்கிடையிலான போட்டியில், 1-1 என்ற கோல் கணக்கில் போட்டி சமநிலையில் முடிவடைந்தது. வேல்ஸ்ச சார்பாக பெறப்பட்ட கோலை, கரித் பேல் பெற்றதோடு, சேர்பியா சார்பாகப் பெறப்பட்ட கோலை அலெக்ஸான்டர் மிற்ரோவிக் பெற்றார்.

ஏனைய போட்டிகளில், குரோஷியா, 2-0 என்ற கோல் கணக்கில் ஐஸ்லாந்தை வென்றது; அயர்லாந்துக் குடியரசு, 1-0 என்ற கோல் கணக்கில் ஒஸ்திரியாவை வென்றது; நைஜீரியா, 3-1 என்ற கோல் கணக்கில் அல்ஜீரியாவை வென்றது; தென்னாபிரிக்கா, 2-1 என்ற கோல் கணக்கில் செனகலை வென்றது; துருக்கி, 2-0 என்ற கோல் கணக்கில் கொஸோவாவை வென்றது; உக்ரைன், 1-0 என்ற கோல் கணக்கில் பின்லாந்தை வென்றது; இஸ்ரேல், 3-0  என்ற கோல் கணக்கில் அல்பானியாவை வென்றது; நியூசிலாந்து, 2-0 என்ற கோல் கணக்கில் நியூ கலேடோனியாவை வென்றது; உகண்டா, 1-0 என்ற கோல் கணக்கில் கொங்கோவை வென்றது; பேர்க்கினா பாஸோ, 2-0 என்ற கோல் கணக்கில் கேப் வேர்ட் தீவுகளை வென்றது.

மொராக்கோ, ஐவரிகோஸ்ட் ஆகிய அணிகளுக்கிடையிலான போட்டி, 0-0 என்ற கோல் கணக்கில் சமநிலையானது; கமரூன், ஸாம்பியா ஆகிய அணிகளுக்கிடையிலான போட்டியும் 1-1 என்ற கோல்கணக்கில் சமநிலையானது; ஜோர்ஜியா, மோல்டா அணிகளுக்கிடையிலான போட்டி, 1-1 என்ற கோல்கணக்கில் சமநிலையானது;மாலி, கபோன் ஆகிய அணிகளுக்கிடையிலான போட்டியும் 0-0 என்ற கோல் கணக்கில் சமநிலையில் முடிவடைந்தது