ஐ.சி.சி. ஒருநாள் உலகக் கிண்ண போட்டி அட்டவணை வெளியீடு!

2027ஆம் ஆண்டு ஐ.சி.சி. ஒருநாள் உலகக் கிண்ண கிரிக்கெட் தொடருக்கான போட்டி அட்டவணை வெளியிடப்பட்டுள்ளது.

தென்னாப்பிரிக்கா, ஷிம்பாப்வே மற்றும் நமீபியா ஆகிய மூன்று நாடுகளில் நடைபெறவுள்ள இந்தத் தொடர், ஒக்டோபர் 2ஆம் திகதி ஆரம்பமாகி நவம்பர் 21ஆம் திகதி நிறைவடையவுள்ளது.

14 அணிகள் பங்கேற்கும் இந்தத் தொடரில், இந்தியா ‘ஏ’ குழுவிலும், இலங்கை ‘பி’ குழுவிலும் இடம்பெற்றுள்ளன.

கிரிக்கெட் ரசிகர்கள் பெரிதும் எதிர்பார்க்கும் இந்தியா–பாகிஸ்தான் அணிகளுக்கு இடையிலான போட்டி ஒக்டோபர் 10ஆம் திகதி ஜோகன்னஸ்பர்க்கில் உள்ள வாண்டரர்ஸ் மைதானத்தில் நடைபெறவுள்ளது.

இந்திய அணி தனது முதல் போட்டியில் ஒக்டோபர் 7ஆம் திகதி அவுஸ்திரேலியாவை எதிர்கொள்ளவுள்ளது.

அதன்பின்னர் பாகிஸ்தானுடனான போட்டி இடம்பெறுகிறது.

இலங்கை அணி தனது உலகக் கிண்ண பயணத்தை ஒக்டோபர் 10ஆம் திகதி நமீபியாவில் தகுதிச்சுற்று மூலம் தெரிவாகும் அணியுடன் ஆரம்பிக்கிறது.

தொடர்ந்து ஒக்டோபர் 13ஆம் திகதி இங்கிலாந்தையும், 16ஆம் திகதி பங்களாதேஷையும், 20ஆம் திகதி நியூசிலாந்தையும், 22ஆம் திகதி தென்னாப்பிரிக்காவையும் இலங்கை எதிர்கொள்ளவுள்ளது.

குழுநிலையில் முதல் மூன்று இடங்களைப் பெறும் அணிகள், மேலும் சிறந்த நான்காவது இடத்தைப் பெறும் அணி என மொத்தம் ஏழு அணிகள் சூப்பர் 7 சுற்றுக்கு முன்னேறும்.

அரையிறுதிப் போட்டிகள் நவம்பர் 17 மற்றும் 18ஆம் திகதிகளிலும், உலகக் கிண்ணத்தின் இறுதிப் போட்டி நவம்பர் 21ஆம் திகதி ஜோகன்னஸ்பர்க்கிலும் நடைபெறவுள்ளது.