இலங்கையின் முதலீட்டுச் சூழலில் பாரிய வீழ்ச்சி –  அமெரிக்கா அறிக்கை!

….
இலங்கையின் முதலீட்டுச் சூழல் தொடர்ந்தும் சாதகமற்றதாகவே காணப்படுவதாக சுட்டிக்காட்டியுள்ள அமெரிக்க வெளியுறவுத் துறை தெரிவித்துள்ளது.

அவர்களது 2026 முதலீட்டுச் சூழல் அறிக்கையானது, 2025 ஆம் ஆண்டில் நேரடி அந்நிய முதலீடு (FDI) 1.6 பில்லியன் டொலர் என்ற ஏமாற்றமளிக்கும் அளவிற்கு வீழ்ச்சியடைந்துள்ளதாக வெளிப்படுத்தியுள்ளது.

இது மொத்த உள்நாட்டு உற்பத்தியில் (GDP) வெறும் 1% மட்டுமே என்பதால், மிகக் குறைந்த எண்ணிக்கையைக் குறிக்கிறது.

வளரும் பொருளாதாரங்களில் பொதுவாகக் காணப்படும் 3% முதல் 4% வரை என்ற மட்டத்தை விட இது குறைவானதாகும் என அமெரிக்க வெளியுறவுத் துறை சுட்டிக்காட்டியுள்ளது.

அரசியல் ஸ்திரத்தன்மை நிலவிய போதிலும், அரச கட்டமைப்பிற்குள் உள்ள ஒழுங்குமுறை நிச்சயமற்ற தன்மை மற்றும் அதிகாரத்துவத் தடைகள் போன்ற சிக்கல்களை இந்த அறிக்கை எடுத்துக்காட்டுகிறது.

மேலும், 3.7 பில்லியன் டொலர் பெறுமதியான சினோபெக் (Sinopec) எண்ணெய் சுத்திகரிப்பு ஆலை மற்றும் 400 மில்லியன் டொலர் பெறுமதியான அதானி கிரீன் எனர்ஜி (Adani Green Energy) காற்றாலை மின் திட்டம் உள்ளிட்ட முக்கிய வெளிநாட்டுத் திட்டங்கள் தொடக்கத்திலிருந்தே தோல்வியடைந்துள்ளதாக அமெரிக்க வெளியுறவுத் துறையின் அறிக்கை சுட்டிக்காட்டியுள்ளது.

00