இந்திய தொடர் வெற்றி –  அயர்லாந்து பயிற்சியாளர் ராஜினாமா!

இந்திய கிரிக்கெட் அணிக்கு எதிராக Belfast நகரில் நடந்த டி20 தொடரை 2-0 என்ற கணக்கில் அயர்லாந்து அணி முதன்முறையாகக் கைப்பற்றி வரலாற்றுச் சாதனை படைத்தது.

ஆனால், இந்த வரலாற்றுச் சாதனை நிகழ்ந்த அடுத்த 24 மணி நேரத்திற்குள் அயர்லாந்து அணியின் தலைமைப் பயிற்சியாளர் ஹென்ரிச் மாலன் (Heinrich Malan) தனது பதவியை திடீரென ராஜினாமா செய்து கிரிக்கெட் உலகிற்கு பெரும் அதிர்ச்சியை ஏற்படுத்தியுள்ளார்.

2022-ஆம் ஆண்டு பயிற்சியாளராகப் பொறுப்பேற்ற ஹென்ரிச் மாலனின் ஒப்பந்தம் 2027 வரை இருந்தபோதிலும், அயர்லாந்து கிரிக்கெட் உச்சத்தில் இருக்கும் இந்தச் சரியான நேரத்தில் அவர் விலக முடிவெடுத்துள்ளார்.

தற்போது உலக சாம்பியனான இந்திய அணியை டி20 தொடரில் 2-0 என ஒயிட்வாஷ் (Series Sweep) செய்து அசத்தியுள்ளது.

இந்த வீரர்கள் மற்றும் ஊழியர்களுடன் இணைந்து பணியாற்றியது எனக்குக் கிடைத்த பெருமை. இந்தியாவை வீழ்த்திய இந்த வரலாற்று வெற்றியோடு, அயர்லாந்து கிரிக்கெட் மிக உன்னதமான இடத்தில் இருக்கும்போது நான் விடைபெறுவதில் பெருமகிழ்ச்சி அடைகிறேன் என்றார்.

ஹென்ரிச் மாலனின் விலகலைத் தொடர்ந்து, அயர்லாந்து அணியின் முன்னாள் விக்கெட் கீப்பர் மற்றும் உதவிப் பயிற்சியாளரான கேரி வில்சன் (Gary Wilson) புதிய தலைமைப் பயிற்சியாளராக உடனடியாக நியமிக்கப்பட்டுள்ளார்.

கடந்த 30 ஆண்டுகளில் அயர்லாந்து மண்ணில் பிறந்த ஒருவர் அந்நாட்டின் தலைமைப் பயிற்சியாளராக மாறுவது இதுவே முதல் முறையாகும்.

இந்திய அணியை வீழ்த்திய சந்தோஷக் கொண்டாட்டம் முடிவதற்குள், அயர்லாந்து பயிற்சியாளரின் இந்தத் திடீர் விலகல் ரசிகர்களிடையே பெரும் விவாதத்தை ஏற்படுத்தியுள்ளது.

000