முடிவுக்குவந்தது ஈரான் அமெரிக்கா இடையேயான தற்காலிக போர்நிறுத்தம்  – அதிரும் மத்திய கிழக்கு!

ஹார்மோஸ் ஜலசந்தியில் ரோந்துப் பணியில் ஈடுபட்டிருந்த அமெரிக்க ராணுவத்தின் ‘அப்பாச்சி’ (Apache) ஹெலிகாப்டரை ஈரான் சுட்டு வீழ்த்தியதைத் தொடர்ந்து, அமெரிக்கா ஈரானிய இராணுவ இலக்குகள் மீது வான்வழித் தாக்குதலைத் தொடங்கியுள்ளது.

அமெரிக்க மத்திய கட்டளையகம் (CENTCOM) விடுத்துள்ள அறிவிப்பில், அதிபர் டொனால்ட் டிரம்ப் உத்தரவின் பேரில் இந்த “தற்காப்புத் தாக்குதல்கள்” நடத்தப்படுவதாகத் தெரிவிக்கப்பட்டுள்ளது.

ஈரானின் தெற்கு கடற்கரைப் பகுதியான பந்தர் அப்பாஸ் (Bandar Abbas), காஷெம் தீவு (Qeshm Island), சிரிக் (Sirik) மற்றும் ஜாஸ்க் (Jask) ஆகிய இடங்களில் உள்ள ஐ.ஆர்.ஜி.சி (IRGC) வான் பாதுகாப்பு அமைப்புகள் மற்றும் ரேடார் தளங்கள் மீது அமெரிக்காவின் பத்துக்கும் மேற்பட்ட போர் விமானங்கள் குண்டுகளை வீசி வருகின்றன

தாக்குதல் நடத்தப்படும் அனைத்து இடங்களிலும் அடுத்தடுத்து 6-க்கும் மேற்பட்ட பயங்கர வெடிச்சத்தங்கள் கேட்டுள்ளதை ஈரானிய ஊடகங்கள் உறுதிப்படுத்தியுள்ளன.

வீழ்த்தப்பட்ட ஹெலிகாப்டரில் இருந்த இரு அமெரிக்க விமானிகளும் பஹ்ரைனின் 5வது படைப்பிரிவுக்குச் சொந்தமான ‘கடல்சார் ட்ரோன்’ (Sea Drone) மூலம் பத்திரமாக மீட்கப்பட்டனர்.

அமெரிக்காவின் இந்தத் தாக்குதலுக்குக் கடும் கண்டனம் தெரிவித்துள்ள ஈரானிய வெளியுறவுத்துறை அமைச்சர் அப்பாஸ் அரக்சி, “எங்கள் நாட்டின் மீதான எந்தவொரு தாக்குதலும் பதிலடி கொடுக்கப்படாமல் விடப்படாது” என எச்சரித்துள்ளார்.

இதனைத் தொடர்ந்து ஜோர்டான் மற்றும் பஹ்ரைனில் உள்ள அமெரிக்க தளங்கள் மீது ஈரான் ஏவுகணைத் தாக்குதல்களைத் தொடங்கியுள்ளதாகத் தகவல்கள் வெளியாகி வருகின்றன.

000