மானிய விவகாரம் – எலான் மஸ்க்சை மிரட்டும் ட்ரம்ப்!

மானி​யத்தை ரத்து செய்​தால் எலான் மஸ்க் தான் பிறந்த தென்​னாப்​பிரிக்கா​வுக்கு திரும்​பிச் செல்ல நேரிடும் என அமெரிக்க ஜனாதிபதி டொனால்டு ட்ரம்ப் எச்​சரிக்கை விடுத்​துள்​ளார். அமெரிக்​கா​வின் ஜனாதிபதியாக, டொனால்டு ட்ரம்ப் 2- வது முறை​யாக கடந்த ஜனவரி மாதம் பொறுப்​பேற்​றார்.

இதையடுத்​து, அரசின் செல​வினங்​களை குறைப்​ப​தற்​காக தொழில​திபர் எலான் மஸ்க் தலை​மை​யில் அரசு செயல்​திறன் துறையை (டிஓஜிஇ) உரு​வாக்​கி​னார். அரசு ஊழியர்​களை குறைப்​பது, மானிய இரத்து உட்பட செலவு குறைப்பு தொடர்​பான பல்​வேறு ஆலோ​சனை​களை ட்ரம்ப் நிர்​வாகத்​துக்கு டிஓஜிஇ வழங்கி வந்​தது.

இதனிடையே, அரசின் ‘ஒன் பிக் பியூட்​டிபுள் பில்’ மசோதா நாடாளு​மன்​றத்​தில் தாக்​கல் செய்​யப்​பட்​டது. அதில் நிறு​வனங்​களுக்​கான மானி​யம் இரத்து உட்பட செலவு குறைப்பு தொடர்​பாக டிஓஜிஇ பரிந்​துரை செய்த அம்​சங்​கள் இடம்​பெற​வில்​லை. குறிப்​பாக, வரி குறைப்​பு, சிறிய அளவில் செல​வினங்​களை குறைத்​தல் உள்​ளிட்ட அம்​சங்​கள் இதில் உள்​ளன.

இதனால் அதிருப்தி அடைந்த மஸ்க், கடந்த மே மாத இறு​தி​யில் தனது பதவியை ராஜி​னாமா செய்​தார். இந்​நிலை​யில், இந்த சட்டமூலம் மீது நாடாளு​மன்ற செனட் அவை​யில் நேற்று முன்​தினம் விவாதம் நடை​பெற்​றது. இந்த சட்டமூலம் நிறைவேறி​னால், அடுத்த 10 ஆண்​டு​களில் அமெரிக்​கா​வின் நிதி பற்​றாக்​குறை 3.3 ட்ரில்​லியன் டாலர் கூடு​தலாகும் என மதிப்​பிடப்​பட்​டுள்​ளது.

இந்த சூழ்​நிலை​யில், ட்ரம்ப் தனது ட்ரூத் சமூக வலை​தளத்​தில், “எலான் மஸ்க் நிறு​வனங்​களுக்கு ஏராள​மான மானி​யம் வழங்​கப்​படு​கிறது. டெஸ்​லா, ஸ்பேஸ் எக்ஸ் உள்​ளிட்ட நிறு​வனங்​களுக்கு வழங்​கப்​படும் மானி​யத்தை ரத்து செய்​தால், எலான் மஸ்க் தனது கடைகளை மூடி​விட்டு தாய்​நா​டான தென்​னாப்​பிரிக்கா​வுக்கு செல்ல நேரிடும்’’ என பதி​விட்​டுள்​ளார்.

இதற்கு பதில் அளிக்​கும் வகை​யில் எலான் மஸ்க் தனது எக்ஸ் வலை​தளத்​தில், ‘‘என்​னுடைய நிறு​வனங்​களுக்​கான மானி​யத்தை இரத்து செய்​வேன் என ட்ரம்ப் கூறுகிறார். அப்​படி​யா​னால் அனைத்து நிறு​வனங்​களுக்​கும் இரத்து செய்ய வேண்​டும். அமெரிக்​கா​வின் பட்​ஜெட் சட்டமூலத்துக்கு நாடாளு​மன்ற செனட் அவை ஒப்​புதல் அளித்​தால், மக்​கள் நலனுக்கு முன்னுரிமை அளிக்​கும் ஒரு புதிய கட்​சி​யை தொடங்​கு​வேன்​’’ என பதிவிட்​டுள்​ளார்​.

000