ஜே.ஆரின் அரசியலமைப்பு ஒழிக்கப்பட வேண்டும் – நாட்டை ஆள்வதற்கு 25 பேர் போதுமானது – மிஹிந்தலை ரஜமகா விகாராதிபதி வலஹங்குனவேவே தம்மரதன தேரர் வலியுறுத்து!

நாம் எதிர்பார்க்கும் புதிய ஆட்சியில் ஜே.ஆரின் அரசியலமைப்பு ஒழிக்கப்பட வேண்டுமெனவும் இந்த நாட்டை ஆள்வதற்கு 225 பேர் தேவையில்லை 25 பேரே போதுமானது மிஹிந்தலை ரஜமகா விகாராதிபதி வலஹங்குனவேவே தம்மரதன தேரர் தெரிவித்துள்ளார்.

இது தொடர்பில் அவர் மேலும் தெரிவிக்கையில்,

நாடாளுமன்றத்தில் நாட்டை ஆளும் நாடாளுமன்ற உறுப்பினர்கள் இல்லையெனவும் நாட்டை அழிக்க முனையும் பயங்கரவாதிகளே இருப்பதாகவும் தெரிவித்தார்.

அதேவேளை நாட்டு மக்களை நேசிக்கும் ஆட்சியாளர் யாரும் இல்லை என்றும், நல்லவராக இருந்தாலும் சரி, கெட்டவராக இருந்தாலும் சரி, தங்களை வளப்படுத்திக் கொள்வதே அவர்களின் ஒரே நோக்கம்.

தேசிய பாதுகாப்பு கூட கடுமையான அச்சுறுத்தலில் உள்ளது. சர்வதேச நாணய நிதியத்தின் விருப்பத்தின்படி, ஆயுதப்படைகளின் எண்ணிக்கை 100,000 ஆக குறைக்கப்படவுள்ளது. குறைந்தபட்சம் பொலிஸ்மா அதிபரை நியமிக்க முடியாத அரசாங்கமே உள்ளது. இந்த நாட்டுக்கு கேடு விளைவிக்கும் கட்சிகளை இல்லாதொழிக்க முயற்சிக்கிறோம்.

நாம் எதிர்பார்க்கும் புதிய ஆட்சியில் ஜே.ஆரின் அரசியலமைப்பு ஒழிக்கப்பட வேண்டும். இந்த நாட்டை ஆள்வதற்கு 225 பேர் தேவையில்லை 25 பேரே போதுமானது.ஆட்சியாளர்கள் நாட்டிற்கு என்ன செய்தார்கள்? நாட்டையே திவாலாக்கியுள்ளனர்.

எனவே, நாட்டை ஆட்சி செய்யும் துரோகம் குழுவுடன் தொடர்பில்லாத புதிய அரசாங்கம் உருவாக்கப்பட வேண்டும். பாராளுமன்றம் என்ற பழைய சேற்றில் கிடக்கும் அனைத்து மக்களையும் அகற்றிவிட்டு புதிய தலைமைத்துவத்தின் கீழ் நாட்டைக் கட்டியெழுப்ப வேண்டும் என்பதே எங்களின் ஒரே நம்பிக்கை எனவும் மேலும் தெரிவித்துள்ளமை குறிப்பிடத்தக்கது

000