இலங்கையில் நாளொன்றுக்கு 46 பேர் புற்றுநோயால் இறக்கின்றனர் – வைத்தியர் இஷானி பெர்னாண்டோ எச்சரிக்கை!

Thursday, February 2nd, 2023

இலங்கையில் நாளாந்தம் கண்டறியப்படும் 105 புற்றுநோயாளிகளில் 46 பேர் புற்றுநோயால் இறக்கின்றனர் என தேசிய புற்றுநோய் கட்டுப்பாட்டு பிரிவின் (NCCU) பணிப்பாளர் வைத்தியர் இஷானி பெர்னாண்டோ இன்று தெரிவித்துள்ளார்.

எதிர்வரும் 4 ஆம் திகதி உலக புற்றுநோய் தினம் அனுஷ்டிக்கப்படவுள்ள நிலையில், சுகாதார மேம்பாட்டு பணியகத்தில் முன்னெடுக்கப்பட்ட ஊடக சந்திப்பின் போதே அவர் இதனை தெரிவித்துள்ளார்.

2020 ஆம் ஆண்டில் மொத்தம் 38,229 புதிய புற்றுநோயாளிகள் கண்டறியப்பட்டனர் மற்றும் அவர்களில் 16,691 பேர் இறந்துள்ளனர்.

பெண்களுக்கு புற்றுநோய் வருவதற்கான வாய்ப்புகள் அதிகம் உள்ளதாகவும், அதேசமயம் ஆண்களில் இறப்பு விகிதம் அதிகமாக இருப்பதாகவும் அவர் குறிப்பிட்டார்.

“2020 ஆம் ஆண்டில் மொத்தம் 20,395 பெண்களும் 17,834 ஆண்களும் புற்றுநோயால் பாதிக்கப்பட்டுள்ளனர். புற்றுநோயால் கண்டறியப்பட்ட நோயாளிகளில் 50 சதவீதம் பேர் இறக்கின்றனர்,” என்றும் அவர் தெரிவித்துள்ளார்.

புற்றுநோயாளிகளுக்கான மருந்து தட்டுப்பாடு தொடர்பில் வினவிய போது, ​​மருந்துகளுக்கு தட்டுப்பாடு நிலவுவதாகவும், உலக சுகாதார ஸ்தாபனத்தின் ஊடாக மருந்துகளை கொள்வனவு செய்யும் பொறிமுறையொன்று நடைமுறையில் உள்ளதாகவும், அந்த செயல்முறையும் சுமார் ஆறு மாதங்களாகும் என்றும் அவர் குறிப்பிட்டுள்ளார்.

வெளிநாட்டுப் பயிற்சிக்காக இடம்பெயர்ந்து வரும் கதிரியக்க நிபுணர்கள் உள்ளிட்ட நிபுணர்கள் இலங்கைக்குத் திரும்பி பயிற்சி பெறாமல் அந்த நாடுகளிலேயே தங்கியிருக்கும் போக்கு காணப்படுவதாக தேசிய புற்றுநோய் நிறுவகத்தின் புற்றுநோயியல் நிபுணரான பிரசாத் அபேசிங்க தெரிவித்தார்.

இது ஒரு தீவிரமான கவலை என்றும், இது விரைவில் கவனிக்கப்பட வேண்டும், மேலும் அவர்கள் இங்கு திரும்பி வந்து பயிற்சி செய்ய ஊக்குவிக்கும் திட்டத்தை அரசாங்கம் கொண்டிருக்க வேண்டும் என்றும் தெரிவித்துள்ளமை குறிப்பிடத்தக்கது

000

Fatal error: Uncaught Error: Call to undefined function get_related_posts_thumbnails() in /home/dayadiya/public_html/epdpnews.com/wp-content/themes/epdp 2020/content.php:106 Stack trace: #0 /home/dayadiya/public_html/epdpnews.com/wp-includes/template.php(878): require() #1 /home/dayadiya/public_html/epdpnews.com/wp-includes/template.php(811): load_template('/home/dayadiya/...', false, Array) #2 /home/dayadiya/public_html/epdpnews.com/wp-includes/general-template.php(206): locate_template(Array, true, false, Array) #3 /home/dayadiya/public_html/epdpnews.com/wp-content/themes/epdp 2020/single.php(20): get_template_part('content', '') #4 /home/dayadiya/public_html/epdpnews.com/wp-includes/template-loader.php(113): include('/home/dayadiya/...') #5 /home/dayadiya/public_html/epdpnews.com/wp-blog-header.php(19): require_once('/home/dayadiya/...') #6 /home/dayadiya/public_html/epdpnews.com/index.php(17): require('/home/dayadiya/...') #7 {main} thrown in /home/dayadiya/public_html/epdpnews.com/wp-content/themes/epdp 2020/content.php on line 106