பெலாரஸுடனான தனது எல்லைப் பாதுகாப்பை கடுமையாக்கும் உக்ரைன்!

ரஷ்யா புதிய தாக்குதலுக்கு தயாராகிவிடுமோ என்ற அச்சத்தில் பெலாரஸுடனான தனது எல்லைப் பாதுகாப்பை உக்ரைன் கடுமையாக்குகின்றது

உக்ரைன் ஆயுதப்படைகள் மற்றும் வெடிமருந்துகள் மூலம் பெலாரஷ்யன் எல்லையை வலுப்படுத்தும் என துணை உள்துறை அமைச்சர் யெவ்ஹென் யெனின் தெரிவித்துள்ளார்.

விளாடிமிர் புடின், பெலாரஷ்ய ஜனாதிபதி அலெக்சாண்டர் லுகாஷென்கோவைச் சந்திக்க மின்ஸ்க் நகருக்குச் சென்றுள்ள நிலையில், இந்தச் செய்தி வந்துள்ளது.

பெலாரஸ், ரஷ்யா மற்றும் உக்ரைனுடன் ஒரு எல்லையைப் பகிர்ந்து கொள்கிறது. ரஷ்ய ஜனாதிபதி பின்னர் ரஷ்யாவின் எல்லைகளை வலுப்படுத்தவும் ரஷ்யாவிற்குள் சமூகக் கட்டுப்பாட்டை ஏற்படுத்தவும் உத்தரவிட்டார். ரஷ்யாவின் எல்லைகளை மீறும் எந்தவொரு முயற்சியையும், வெளிநாட்டிலிருந்து வரும் அபாயங்களை எதிர்த்துப் போராடவும், துரோகிகளையும் நாசகாரர்களையும் அடையாளம் காணும் எந்தவொரு முயற்சியையும் பாதுகாப்பு சேவைகள் விரைவாக முறியடிக்க வேண்டும் என்று அவர் கூறினார்.

ரஷ்யா தனது சொந்தம் என்று கூறும் உக்ரைனின் பகுதிகளில் வாழும் மக்களின் பாதுகாப்பை சிறப்பு சேவைகள் உறுதி செய்ய வேண்டும் என்றும் அவர் கூறினார்.

பெலாரஸில் நிலைகொண்டுள்ள தனது துருப்புக்கள் பெலாரஸுடன் கூட்டு இராணுவப் பயிற்சிகளை மேற்கொள்ளும் என ரஷ்யாவின் பாதுகாப்பு அமைச்சு அறிவித்துள்ளது.

பெலாரஸ் நேரடியாக போரில் ஈடுபடவில்லை என்றாலும், பெப்ரவரியில் படையெடுப்பைத் தொடங்க ரஷ்ய துருப்புக்கள் அதன் பிரதேசத்தைப் பயன்படுத்த அனுமதித்தமை குறிப்பிடத்தக்கது.

000