ஆசிரியர் ஆட்சேர்ப்பு நடைமுறையில் மாற்றம் – கல்வி அமைச்சர் சுசில் பிரேமஜயந்த தெரிவிப்பு!

எதிர்காலத்தில் ஆசிரியர் தொழிலுக்கு ஆட்களை இணைத்துக் கொள்வதில் சில மாற்றங்கள் மேற்கொள்ளப்படும் என கல்வி அமைச்சர் சுசில் பிரேமஜயந்த தெரிவித்துள்ளார்.

நாடாளுமன்ற உறுப்பினர் தயாசிறி ஜயசேகர எழுப்பிய கேள்விக்கு பதிலளிக்கும் போதே அமைச்சர் நாடாளுமன்றத்தில் இதனை தெரிவித்துள்ளார்.

அத்துடன் தேசிய கல்விப் பல்கலைக்கழகமும் நிறுவப்படும் எனவும் அவர் தெரிவித்துள்ளார்.

மேலும் பரீட்சை முறையின் ஊடாகவே கடந்த முறை ஆசிரியர்களை இணைத்துக் கொண்டதாகவும் அமைச்சர் தெரிவித்துள்ளார்.

அதனைத் தொடர்ந்து, 19 பீடங்களை நிறைவு செய்யும் வகையில் உருவாக்கப்படும் தேசிய கல்விப் பல்கலைக்கழகத்தின் ஊடாக ஆசிரியர்கள் ஆட்சேர்ப்பு செய்யப்படவுள்ளதாக அவர் குறிப்பிட்டார்.

நான்கு ஆண்டு பட்டப்படிப்பு மற்றும் ஆசிரியர் பயிற்சித் திட்டத்திற்குப் பின்னர் அவர்கள் பாடசாலைகளுக்கு அனுப்பப்படுவார்கள், அதன் மூலம் தரம் மற்றும் தரநிலைகளுடன் ஒரு ஆசிரியரை உருவாக்க முடியும்.

தற்போது அரச துறையில் கடமையாற்றும் பயிலுனர் பட்டதாரிகளை ஆசிரியர்களாக இணைத்துக் கொள்வதற்காக நாடளாவிய ரீதியில் பொதுப் பரீட்சை டிசம்பர் மாத நடுப்பகுதியில் நடத்தப்படும் என்றும் அமைச்சர் மேலும் தெரிவித்துள்ளார்..

இதன்மூலம் 26,000 ஆசிரியர்கள் ஆட்சேர்ப்பு செய்யப்படுவார்கள் என்று குறிப்பிட்ட அமைச்சர், பொதுத் தேர்வில் பெற்ற மதிப்பெண்கள் மற்றும் கட்டமைக்கப்பட்ட நேர்காணல்கள் மூலம் ஆட்சேர்ப்பு மேற்கொள்ளப்படும் என்றும் தெரிவித்துள்ளமை குறிப்பிடத்தக்கது.

000