இலங்கையில் கொரோனா தடுப்பூசியின் திட்டத்தின் ஓராண்டு நிறைவினை முன்னிட்டு விசேட வேலைத்திட்டம் – பிரதமர் தலைமையில் எதிர்வரும் 29 ஆம் விசேட நிகழ்வுக்கும் ஏற்பாடு!

Tuesday, January 25th, 2022

உலகளாவிய ரீதியில் பேரழிவினை ஏற்படுத்தியுள்ள கொரோனா பிரச்சினைக்கு பிரதான தீர்வாக தடுப்பூசி திட்டம் ஆரம்பிக்கப்பட்டது. இந்நிலையில் இலங்கையில் இம் மாதம் 29 ஆம் திகதியுடன் தடுப்பூசி திட்டம் ஆரம்பிக்கப்பட்டு ஒருவருடம் நிறைவடைகிறது.

ஜனாதிபதி கோட்டாபய ராஜபக்ஷவின் வழிகாட்டுதல் மற்றும் தலையீட்டின் கீழ் 2021 ஜனவரி 29 அன்று தொடங்கப்பட்ட இந்த வேலைத்திட்டம், உலகின் ஏனைய நாடுகளுடன் ஒப்பிடுகையில் இலங்கையின் உயர் மட்ட சாதனைகளை எடுத்துக்காட்டுகிறது.

தற்போது உலகளாவிய தடுப்பூசி திட்டத்தின் முன்னணி நாடுகளில் இலங்கை முதல் ஐந்து நாடுகளில் ஒன்றாக உள்ளது.

இந்நிலையில் தடுப்பூசி மற்றும் கொவிட் அனர்த்தத்தை கட்டுப்படுத்துவது தொடர்பாக இலங்கையின் இலத்திரனியல் மற்றும் அச்சு ஊடகங்களின் பிரதானிகளுடன் விசேட கலந்துரையாடல் நேற்றையதினம் சுகாதார அமைச்சில் சுகாதார அமைச்சர் தலைமையில் நடைபெற்றது.

இதன்போது நாட்டில் தடுப்பூசித் திட்டத்தின் ஓராண்டு நிறைவை ஒட்டி, நாட்டில் உள்ள அனைத்து மருத்துவமனைகள் / பிராந்திய மருத்துவ அதிகாரிகள் அலுவலகங்களிலும் தொடர்ச்சியான சிறப்புத் திட்டங்களை நடைமுறைப்படுத்த சுகாதார அமைச்சு நடவடிக்கை எடுத்தது.

இதன் கீழ், பூஸ்டர் தடுப்பூசி திட்டம் அந்த மருத்துவமனைகள் மற்றும் மருத்துவ அதிகாரிகள் அலுவலகங்களில் ஒரு சிறப்புத் திட்டமாக நடைமுறைப்படுத்தப்படும், மேலும் நாடு முழுவதும் உள்ள தகுதியுடைய மக்களுக்கும் தடுப்பூசியின் மூன்று டோஸ்களையும் வழங்க நடவடிக்கை எடுக்கப்படும்.

இத்திட்டத்திற்கு சமாந்தரமாக, வைத்தியசாலைகள், பிராந்திய சுகாதார உத்தியோகத்தர் அலுவலகங்கள் உட்பட நாடளாவிய ரீதியில் சுமார் 1500 சுகாதார நிலையங்களில் விசேட திட்டமாக இத்தடுப்பூசித் திட்டம் அமுல்படுத்தப்படவுள்ளதுடன் அவ்விடங்களில் வருடாந்த தடுப்பூசி திட்டம் நடைமுறைப்படுத்தப்படும்.

இத்திட்டம் அனைத்து சுகாதார நிலையங்களிலும் மத நடவடிக்கைகளில் கவனம் செலுத்தி செயல்படுத்தப்பட்டு வருகிறது, மேலும் பூஸ்டர் தடுப்பூசி திட்டத்தை மேலும் ஊக்குவிக்கும் வகையில் வடிவமைக்கப்பட்டுள்ளது. இதன் பிரதான நிகழ்வு பிரதமர் மஹிந்த ராஜபக்ஷ தலைமையில் சுகாதார அமைச்சின் சுவாசிரிபாய வளாகத்தில் எதிர்வரும் 29 ஆம் திகதி காலை நடைபெறவுள்ளமை குறிப்பிடத்தக்கது

000

Fatal error: Uncaught Error: Call to undefined function get_related_posts_thumbnails() in /home/dayadiya/public_html/epdpnews.com/wp-content/themes/epdp 2020/content.php:106 Stack trace: #0 /home/dayadiya/public_html/epdpnews.com/wp-includes/template.php(878): require() #1 /home/dayadiya/public_html/epdpnews.com/wp-includes/template.php(811): load_template('/home/dayadiya/...', false, Array) #2 /home/dayadiya/public_html/epdpnews.com/wp-includes/general-template.php(206): locate_template(Array, true, false, Array) #3 /home/dayadiya/public_html/epdpnews.com/wp-content/themes/epdp 2020/single.php(20): get_template_part('content', '') #4 /home/dayadiya/public_html/epdpnews.com/wp-includes/template-loader.php(113): include('/home/dayadiya/...') #5 /home/dayadiya/public_html/epdpnews.com/wp-blog-header.php(19): require_once('/home/dayadiya/...') #6 /home/dayadiya/public_html/epdpnews.com/index.php(17): require('/home/dayadiya/...') #7 {main} thrown in /home/dayadiya/public_html/epdpnews.com/wp-content/themes/epdp 2020/content.php on line 106