பிணைமுறி ஒப்பந்தத்தில் ஈடுபட்ட அனைவரும் இன்றும் ஸ்ரீலங்கா சுதந்திரக் கட்சியை வழிநடத்திச் செல்கின்றனர் – பொதுஜன பெரமுனவின் பொதுச் செயலாளர் சுட்டிக்காட்டு!

அரசாங்கத்தின் கொள்கைகளை நடைமுறைப்படுத்துவதில் அரசாங்கம் சிரமங்களை எதிர்கொள்ளும் போது ஸ்ரீலங்கா சுதந்திரக் கட்சி அரசாங்கத்திற்குள்ளிருந்து கொண்டு அரசாங்கத்தை அப்பட்டமாக விமர்சித்து வருவது வெட்கக்கேடான விடயம் என ஶ்ரீலங்கா பொதுஜன பெரமுனவின் பொதுச் செயலாளர் சாகர காரியவசம் தெரிவித்துள்ளார்.

தேர்தல் விஞ்ஞாபனத்தின் சுபீட்சத்தின் நோக்குடன் உடன்படவில்லை என்றால், ஸ்ரீலங்கா பொதுஜன பெரமுன அரசாங்கத்தில் இருந்து ஶ்ரீலங்கா சுதந்திர கட்சி விலக வேண்டும் எனவும் அவர் கூறியுள்ளார்.

“அரசாங்கமாக நாம் செய்வதில் சில பிரச்சினைகள் இருக்கலாம், உதாரணமாக உர விவகாரம். ஸ்ரீலங்கா சுதந்திரக் கட்சி தற்போது சேற்றில் மீன் பிடிப்பது போன்ற ஒன்றைச் செய்கிறது.

இது வெற்றியடைந்தால், ஜனாதிபதி சிறீசேன முதலில் வெளியில் வந்து, ‘நான்தான் முதலில் ஆரம்பித்தேன் என்று. ஆனால் இது தவறாகப் போகும் போது அவர்கள் கூறுகிறார்கள்’ இல்லை, இது முற்றிலும் தவறு, இது எங்களுக்கு இல்லை, என்று.  ஆனால் கூட்டணி அரசியலில் இது நடக்கக்கூடாது.

ஒரு கட்சி தங்களுக்கு செழுமையான கொள்கைகள் இருப்பதாக நினைத்தால் அவர்கள் செய்ய வேண்டியது அறிக்கை விடாமல் வெளியேறுவதுதான். இரு தரப்பிலும் இதை வெட்கமற்ற செயலாகவே பார்க்கிறோம்.

இங்கிருந்து, கிடைக்கும் சலுகைகளை எல்லாம் அனுபவித்து, எல்லாப் பொருட்களையும் பெற்று, இந்தக் கொள்கையை விமர்சித்தால், இந்த நாட்டில் உள்ள அறிவாளிகள் யோசிக்க வேண்டும். ஸ்ரீலங்கா சுதந்திரக் கட்சியின் கொள்கைகளை காட்டிக்கொடுத்து பிணைமுறி ஒப்பந்தத்தில் ஈடுபட்ட அனைவரும் இன்றும் ஸ்ரீலங்கா சுதந்திரக் கட்சியை வழிநடத்திச் செல்கின்றனர் எனவும் சாகர காரியவசம் தெரிவித்தார்.

ஸ்ரீலங்கா பொதுஜன பெரமுனவின் தலைமையகத்தில் நடைபெற்ற ஊடகவியலாளர் சந்திப்பில் கலந்துகொண்டு கருத்து தெரிவிக்கும் போதே கட்சியின் பொதுச் செயலாளரும் நாடாளுமன்ற உறுப்பினருமான சாகர காரியவசம் மேற்கண்டவாறு தெரிவித்திருந்தமை குறிப்பிடத்தக்கது