சரியான நேரத்தில் தகுதியான ஒவ்வொருவருக்கம் தடுப்பூசி வழங்கப்படும் – இராணுவத் தளபதி உறுதி!

கோவிட் தடுப்பூசிகளுக்கு பற்றாக்குறை என அஞ்சுவதற்கு எந்த காரணமும் இல்லை என்று தெரிவித்துள்ள இராணுவத் தளபதி ஜெனரல் ஷவேந்திர சில்வா தகுதிவாய்ந்த ஒவ்வொருவரும் சரியான நேரத்தில் தடுப்பூசியைப் பெறுவார்கள் என்று கூறியுள்ளார்.

அத்துடன் வெளிநாடுகளில் இருந்து தேவையான தடுப்பூசிகளை வாங்குவதற்கான நடவடிக்கைகளை அரசாங்கம் மேற்கொண்டு வருகிறது.

ஜனாதிபதியின் மூத்த ஆலோசகர் லலித் வீரதுங்க தலைமையிலான குழு, எஸ்ட்ராசெனெகா தடுப்பூசியின் பங்குகளை வாங்குவதற்காக பல நாடுகளுடன் பேச்சுவார்த்தைகளை ஆரம்பித்துள்ளது என்றும் குறிப்பிட்டுள்’ளார்.

இதனிடையே ரஷ்ய தயாரித்த ஸ்பூட்னிக் வி தடுப்பூசியின் 13 மில்லியன் குப்பிக்களை வாங்குவதற்கான முயற்சிகள் நடந்து வருவதாக அவர் தெரிவித்துள்ளார்.

அடுத்த சில நாட்களில் இலங்கைக்கு ஒன்பது இலட்சம் குப்பிகள் கிடைக்கும் என்று அவர் மேலும் தெரிவித்தார்.

அத்துடன் ஒக்பது இலட்சம் குப்பிகள் ஃபைசர் தடுப்பூசி ஜூன் இறுதிக்குள் அல்லது ஜூலை தொடக்கத்தில் பெறப்பட உள்ளது என்றும் இராணுவத்தளபதி ஷவேந்திர சில்வா தெரிவித்துள்ளமை குறிப்பிடத்தக்கது.