எமக்கான தீர்வினை பெற்றுக் கொள்வதற்காகவே இந்த கோரிக்கையை முன்வைக்கின்றோம் – வாகன இறக்குமதியாளர் சங்கம் ஜனாதிபதியிடம் வேண்டுகோள்!

மோட்டார் வாகன இறக்குமதிக்கு தடைவிதிக்கப்பட்டுள்ளதன் காரணமாக அந்த துறையைச் சேர்ந்தவர்கள் பல சவால்களுக்கு முகங்கொடுத்து வருவதாகவும், அது தொடர்பில் கலந்துரையாடி தீர்வினை பெற்றுக் கொள்வதற்கு வாய்ப்பினை வழங்குமாறு இலங்கையின் வாகன இறக்குமதியாளர் சங்கம் ஜனாதிபதி கோட்டாய ராஜபக்ஷவிடம் வேண்டுகோள் விடுத்துள்ளது.

இது தொடர்பில் அவர்கள் இறக்குமதியாளர் சங்கம் மேலும் குறிப்பிடுகையில் –

மோட்டார் வாகன இறக்குமதி நடவடிக்கைகளுக்கு கடந்த வருடம் மார்ச் மாதம்முதல் தடை விதிக்கப்பட்டுள்ளது.

இதனால் வாகன இறக்குமதியாளர்களும், அதுசார்ந்த சேவை வழங்குனர்களும், தமது வணிக வளாகத்தை பராமரித்தல், வங்கிக் கடன்கள், வாடகை மற்றும் ஊழியர்களின் சம்பளத்தை செலுத்துவதிலும் பாரிய சிரமங்களை எதிர்கொண்டுள்ளனர்.

இந்த தடை மேலும் தொடருமாயின், இறக்குமதியாளர்கள் அவர்களது வர்த்தக நடவடிக்கைகளை நிறுத்துவதோடு ஊழியர்களையும் பணிநீக்கம் செய்ய வேண்டிய நிலைமை ஏற்படும்.

இதனால் நேரடியாகவும், மறைமுகமாகவும் ஒரு இலட்சம் பேரின் தொழில் வாய்ப்புகள் இல்லாமல் போவதுடன், அவர்களை சார்ந்துள்ள சுமார் 4 இலட்சம் பேர் பாதிக்கப்படும் அதேநேரம் சில வாகன இறக்குமதியாளர்கள் மற்றும் அரச அனுமதியுடையோர் இறக்குமதி தடைக்கு முன்னதாக கடனுக்கான திறந்த கடிதங்களை கொண்டுள்ளதால், அவர்கள் வாகனங்களை இறக்குமதி செய்வதற்கான வாய்ப்பினை வழங்க வேண்டும் என்றும் கோரியுள்ளனர்

அத்துடன் உள்ளூர் உற்பத்தி மற்றும் பொருத்துதல் என்பது மாற்று பரிமாற்ற பிரச்சினைக்கு ஒரு தீர்வாக மாற்றப்பட்டுள்ளது. இந்த செயல்முறை நாட்டின் பொருளாதாரத்திற்கு எந்த மதிப்பையும் சேர்க்காததால் இது ஒரு தீர்வாக அமையாது என்றும் சுட்டிக்காட்டியுள்ள குறித்த சங்கத்தினர் உயர்தர ஜப்பானிய, ஐரோப்பிய வாகனங்களுடன் ஒப்பிடும்போது, உள்நாட்டில் பொருத்தப்படும் வாகனங்களின் பழுதுபார்ப்பு செலவுகள் மிக அதிகமாக உள்ளன என்றும் தெரிவித்துள்ளனர்.

அத்துடன் ஜனாதிபதியுடனான சந்திப்பு,  குறித்த துறை சார்ந்தோரின் நிதி கடமைகள் மற்றும் பணியாளர் சம்பளம் மேல்நிலைகளை பூர்த்தி செய்ய உதவிடும் என்பதோடு நியாயமான வாழ்வாதார திட்டத்தை உருவாக்கிட பக்கபலமாக அமைந்திடும்.

அதேநேரம் கொரோனா சூழ்நிலை காரணமாக அரசாங்கம் எதிர்கொள்ளும் சிரமங்களை அறிந்துள்ள போதிலும், எமக்கான தீர்வினை பெற்றுக் கொள்வதற்காகவே நாம் இந்த கோரிக்கையை முன்வைத்துள்ளோம் என்றும் தெரிவித்திருந்தமை குறிப்பிடத்தக்கது.