புலம்பெயர்ந்த தமிழர்களுக்காக எதையும் ஏற்றுக் கொள்ள முடியாது- நடவடிக்கை எடுக்க தயங்கவும் மாட்டோம் – ஊடக அமைச்சர் கெஹெலிய ரம்புக்வெல!

இலங்கைக்கு எதிராக ஐ.நா மனித உரிமைகள் சபை முன்வைத்துள்ள குற்றச்சாட்டுகளை இலங்கை அரசாங்கம் முற்றாக நிராகரித்துள்ளதாகவும் இதுபோன்ற சம்பவங்கள் இலங்கையில் நடக்கவில்லை என்பதை இங்கிலாந்து உள்துறை அமைச்சகத்தின் அறிக்கைகள் உறுதிப்படுத்துவதாகவும் ஊடக அமைச்சர் கெஹெலிய ரம்புக்வெல தெரிவித்துள்ளார்.

இதுதொடர்பில் மேலும் கருத்து தெரிவித்துள்ள அவர் –

இறுதிக்கட்ட போரில் அநீதி இழைக்கப்பட்டுள்ளதாக உள்ளக விசாரணையில் கண்டறியப்பட்டால், நடவடிக்கை எடுக்க அரசாங்கம் தயங்காது என்றும், தமிழ் புலம்பெயர்ந்தோரின் நலன்களுக்காக பாரபட்சமற்ற குற்றச்சாட்டுகளை ஏற்கத் தயாராக இல்லை என்றும் அவர் வலியுறுத்தினார்.

ஐ.நா மனித உரிமைகள் பேரவையில், இலங்கை அரசாங்கம் யாரையும் காட்டிக் கொடுக்கவோ பாதுகாக்கவோ விரும்பவில்லை என்றும், அப்போது என்ன நடந்தது என்பது பற்றிய உண்மை, தமிழ் புலம்பெயர்ந்தோ அல்லது யு.என்.எச்.ஆர்.சி.க்கு தெரியாது என்றும் தெரிவித்துள்ளார்.

30 ஆண்டுகால யுத்தத்தை முடிவுக்குக் கொண்டுவருவதற்கான மனிதாபிமான நடவடிக்கையின் போது ஏதேனும் நடந்திருக்கிறதா என்று கண்டுபிடிக்க இலங்கை அரசாங்கம் உள்ளக விசாரணையை நடத்தத் தயாராகி வருவதாக ரம்புக்வெல தெரிவித்துள்ளார்.

2018 இல் வெளியுறவு அமைச்சராக பணியாற்றிய திலக் மாரப்பன, தனது சொந்த அரசின் அமைச்சர் மங்கள சமரவீர ஒப்புக் கொண்ட 30/1 தீர்மானத்தை நிராகரித்து, இலங்கை அரசியலமைப்பின் படி அதை அங்கீகரிக்க முடியாது என்று அறிவித்துள்ள வெளிவிவகார அமைச்சர் தினேஷ் குணவர்தன குற்றச்சாட்டுகளை மறுப்பதைத் தாண்டி இணை அனுசரணையிலிருந்து இலங்கை விலகுவதாகவும் அறிவித்துள்ளமை குறிப்பிடத்தக்கது.